لاہور (20 مئی 2026): لاہور میں پیرا فورس اہلکاروں نے عجیب وغریب کارروائی کرتے ہوئے قربانی کے بیل کو گدھا قرار دے دیا۔
اے آر وائی نیوز کے مطابق لاہور میں پیرا فورسز کے اہلکاروں نے ایسی عجیب وغریب کارروائی کی ہے، جس پر ہر شہری حیران ہو گیا ہے۔
رپورٹ کے مطابق پیرا فورس نے اسلام پورہ میں ایک شہری کو نوٹس جاری کیا ہے، جس میں اس پر گھر کے باہر گدھا باندھنے، علاقے میں غلاظت اور تعفن پھیلانے کا الزام عائد کیا ہے۔
تاہم سی سی ٹی وی فوٹیج نے پیرا فورس کے اس دعوے اور نوٹس کی قلعی کھول دی ہے، کیونکہ فوٹیج میں گھر کے باہر گدھے کے بجائے قربانی کے بیل کو بندھے ہوئے دکھایا گیا ہے۔
متاثرہ شہری کا کہنا ہے کہ اس کو پیرا فورس نے مبینہ طور پر رشوت کے لیے جھوٹا نوٹس بھیجا ہے۔
خواجہ نصیر اے آر وائی نیوز لاہور سے وابستہ ہیں اور صوبہ پنجاب کی سیاسی خبروں پر نظر رکھتے ہیں