The news is by your side.

Advertisement

اربوں روپے کی ہیرا پھیری، وزیراعلیٰ سندھ کیخلاف وعدہ معاف گواہ سامنے آگیا

اسلام آباد : وزیراعلیٰ سندھ مراد علی شاہ کے خلاف ریفرنس میں وعدہ معاف گواہ سامنے آگیا، جس نے بیان دیا کہ مراد علی شاہ نے ہیرا پھیری سے ٹرانسمیشن لائن کا ٹھیکہ دیا۔

تفصیلات کے مطابق وزیراعلیٰ سندھ مراد علی شاہ کے خلاف ریفرنس میں پیشرفت سامنے آئی، امجدحسین وعدہ معاف گواہ بن گئے ، مجموعی طور پر نوری آباد پاور پلانٹ ریفرنس میں 125 گواہان تیار ہے۔

وعدہ معاف گواہ نے بیان میں کہا ہے کہ مراد علی شاہ نے ہیرا پھیری سے ٹرانسمیشن لائن کا ٹھیکہ دیا، وہ بولی کا عمل کنٹرول کر رہےہیں اور ممبر نیپرامحمود الحسن جانتے تھے، محمودالحسن نقوی کوہی ٹھیکہ دینےوالی پروکیورمنٹ کمیٹی کاممبر بنایاگیا۔

یاد رہے نیب نے وزیراعلیٰ سندھ مراد علی شاہ کیخلاف ریفرنس دائر کیا تھا، نیب ریفرنس میں وزیراعلیٰ سندھ کے خلاف توانائی منصوبوں پر خلاف ضابطہ فنڈز جاری کرنے اور سندھ میں توانائی منصوبوں میں اختیارات کے غلط استعمال کا الزام عائد کیا گیا ہے۔

نیب ریفرنس میں کہا گیا کہ سندھ میں توانائی منصوبوں میں خلاف ضابطہ فنڈز جاری کئےگئے، نوری آباد پاور کمپنی، سندھ ٹرانسمیشن اینڈڈسپیچ کمپنی میں اربوں کی ہیرپھیر کی گئی ہے۔

ریفرنس میں وزیراعلیٰ سندھ کے علاوہ اومنی گروپ کے سربراہ عبدالغنی مجید سمیت17ملزمان کوملزم نامزد کیا گیا ہے۔

Comments

یہ بھی پڑھیں