کراچی: بچوں کی ویکسی نیشن نہ کرانے والے والدین ہوجائیں خبردار! کیونکہ بچوں کی ویکسی نیشن نہ کرانے پر والدین کو سزا ہو گی اور جرمانہ بھی کیا جائے گا۔
گورنر سندھ کامران ٹیسوری نے سندھ امیونائزیشن اینڈ اپیڈیمکس کنٹرول بل 2023کی توثیق کر دی ہے جس کے تحت متعلقہ ڈپٹی کمشنر سزا دینےکا مجاز ہو گا۔
بچوں کی ویکسی نیشن نہ کرانے پر والدین کو ایک ماہ قیدکی سزا ہو سکتی ہے۔ ویکسی نیشن نہ کرانے والے والدین پر50 ہزار روپے جرمانہ بھی عائد ہو گا۔
بل کی منظوری کے بعد ڈی سی دفعہ (1) کےتحت سزا دینے کا مجاز ہو گا۔
بل کا مقصد صوبے میں بیماریوں اور وبائی امراض کی امیونائزیشن، ویکسینیشن، سائنسی اور سماجی ذرائع اور طریقوں کے ذریعے روک تھام اور کنٹرول کرنا ہے۔