تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

والدین تیز دھوپ میں گاڑی بند کر کے بچی کو سوتا چھوڑ گئے، دردناک حادثہ

ایران میں ایکی نوجوان جوڑا ایک جنازے میں جاتے ہوئے اپنی 4 سالہ بچی کو بند کار میں چھوڑ گیا، شدید گرمی کے دوران ننھی بچی دم گھٹنے کے سبب ہلاک ہوگئی۔

بین الاقوامی میڈیا کے مطابق مذکورہ جوڑا اپنے ایک رشتے دار کے جنازے میں شرکت کے لیے جارہا تھا اور سوگ کی کیفیت میں تھا۔ جب وہ جنازہ گاہ پہنچے تو ان کی 4 سالہ بچی گاڑی میں سورہی تھی۔

جوڑے نے اسے جگانا مناسب نہ سمجھا اور گاڑی لاک کر کے اسے سوتا چھوڑ کر چلے گئے۔

وقت گزرنے کے ساتھ دن شدید گرم ہوتا گیا اور بیرونی درجہ حرارت 49 ڈگری سینٹی گریڈ تک جا پہنچا، تب گاڑی کے اندر درجہ حرارت 76 ڈگری پر پہنچ گیا۔

سوتی ہوئی بچی کو آکسیجن کی کمی واقع ہوئی تو اس کا دم گھٹنے لگا۔

دوسری جانب والدین جنازے میں شرکت کر کے گھنٹوں بعد واپس پہنچے تو بچی گاڑی کے اندر بے حس و حرکت پڑی تھی۔

فوری طور پر ڈاکٹر کو بلایا گیا تو ڈاکٹر نے بچی کی موت کی تصدیق کرتے ہوئے بتایا کہ دم گھٹنے اور ہیٹ اسٹروک سے بچی کی موت واقع ہوئی۔

بچی کی موت سے والدین پر نہایت گہرا اثر پڑا اور مقامی میڈیا رپورٹ کے مطابق وہ ماہر نفسیات کی خدمات حاصل کر رہے ہیں۔

Comments

- Advertisement -