ٹیکساس: والدین نے شادی سے انکار پر اپنی نوجوان بیٹی پر گرم تیل چھڑک کر مارنے کی کوشش کی، والدین کو گرفتار کرلیا گیا۔
امریکی میڈیا کے مطابق ٹیکساس کی رہائشی نوجوان لڑکی نے جب والدین کو شادی سے انکار کیا تو والدین نے غصے میں آکر اسے تیل چھڑک کر جلانے کی کوشش کی۔
حکام کے مطابق 16 سالہ مارب الہشوامی اپنی پسند سے شادی کرنے کے لیے گھر سے بھاگ کر سین انٹونیو جاپہنچی تھی تاہم جب گھر واپس پہنچی تو والدین نے جب اپنی پسند کے لڑکے سے شادی کرنے کے لیے کہا تو مارب الہشوامی نے انکار کردیا جس پر والدین نے غصے میں آکر اس پر تیل چھڑک کر مارنے کی کوشش کی۔
لڑکی کو جان سے مارنے کی کوشش میں پولیس نے 34 سالہ عبداللہ فہمی الہشوامی اور ان کی اہلیہ 33 سالہ صبا الہشوامی کو حراست میں لے کر تفتیش کا آغاز کردیا ہے۔
امریکی پولیس کا کہنا ہے کہ جرم میں والد اور والدہ دونوں برابر کے شریک ہیں البتہ مارب کے بہن بھائیوں سے پوچھ گچھ کی جائے گی کہ مارب الہشوامی پر تیل کس نے پھینکا تھا۔
پولیس کے مطابق نوجوان لڑکی مارب الہشوامی کی حالت خطرے سے باہر ہے اور اس کو پانچ بہن بھائیوں کے حوالے کردیا گیا ہے جن کی عمریں 5 سے 15 برس بتائی جاتی ہیں۔
امریکی میڈیا رپورٹس کے مطابق مارب الہشوامی سے شادی کے خواہش مند شخص سے بھی ایف بی آئی تفتیش کرے گی اور ہوسکتا ہے کہ اس کے خلاف مقدمہ بھی درج کیا جائے۔