ممبئی: بھارتی اداکارہ پرینیتی چوپڑا اور سیاستدان راگھو چڈھا کی حال ہی میں منگنی ہوئی ہے جس کی تصویریں، ویڈیو اور معلومات سوشل میڈیا پر تاحال توجہ کا مرکز بنی ہوئی ہیں۔
پرینیتی چوپڑا اور راگھو چڈھا نے اپنی منگنی کا اعلان باضابطہ طور پر فوٹو اینڈ شیئرنگ ایپ انسٹاگرام کے ذریعے کیا تھا ان خوبصورت لمحات کی تصویریں بھی سوشل میڈیا پر شیئر کی تھیں جس کے بعد سے یہ تصویریں وائرل ہیں۔
تاہم اب سیاست دان راگھو اور پرینیتی چوپڑا کی انگوٹھی اس وقت لوگوں کی توجہ کا مرکز بنی جب اس کی قیمت کا مداحوں کو پتا چلا۔
بھارتی میڈیا رپورٹس کے مطابق پرینیتی چوپڑا کی خوبصورت سولیٹیئر ہیرے کی انگوٹھی کی قیمت 4 لاکھ ہے، پرینیتی چوپڑا کی منگنی کی انگوٹھی میں جَڑے ہوئے بڑے سے پتھر کی قیمت 4 لاکھ روپے ہے۔
پرینیتی چوپڑا اور راگھو چڈھا نے منگنی کر لی، تصاویر وائرل
دوسری جانب اگر عام آدمی پارٹی کے رہنما راگھو چڈھا کی انگوٹھی کی بات کی جائے تو بھارتی میڈیا ’ڈی این اے‘ کی ایک رپورٹ کے مطابق یہ مہنگے ترین برانڈ کرٹئیر کا بینڈ (چھلا) ہے جس کی قیمت 1.02 لاکھ ہے۔
واضح رہے کہ اس خوبصورت جوڑی کی منگنی کی تقریب عام آدمی پارٹی سے تعلق رکھنے والے بھارتی سیاست دان اور رکن پارلیمنٹ راگھو چڈھا کے گھر پر ہوئی تھی جس میں قریبی دوستوں اور رشتے داروں نے شرکت کی تھی۔
