پیرس حملوں کے بعد دنیا بھر کی اسٹاک مارکیٹس مندی کا شکار ہوگئیں جبکہ عالمی کرنسی مارکیٹ میں یورو کی قدر بھی کم ہوگئی ہے۔
پیرس حملوں کے بعد دنیا بھر کی اسٹاک مارکیٹس کا آغاز منفی زون میں ہوا، چین، جنوبی کوریا، اور آسٹریلوی اسٹاک مارکیٹس میں مندی ریکارڈ کی گئی، ہانگ کانگ اسٹاک مارکیٹ ساڑھے تین سو جبکہ جا پانی اسٹاک مارکیٹ ڈھائی سو پوائینٹس نیچے گرگئیں ۔
اسٹاک مارکیٹ کے تجزیہ کاروں کے مطابق سرمایہ کار غیریقینی صورتحال سے دوچار ہیں، جس کے باعث حصص بازاروں میں فروخت کا ر جحان دیکھنے میں آیا ہے۔
دوسری جانب عالمی مارکیٹ میں ڈالر کے مقابلے میں یورو کی قدر بھی کم ہوگئی، یورو کی قدر میں صفر اعشاریہ چار فیصد کمی ہوئی.
اے آر وائی نیوز کی ڈیجیٹل ڈیسک کی جانب سے شائع کی گئی خبریں