پیرس: فرانس کے دارالحکومت میں چاقو بردار شخص نے حملہ کر کے ماں بیٹی کو زخمی کردیا، پولیس نے جوابی کارروائی کرتے ہوئے حملہ آور کو ہلاک کردیا۔
فرانسیسی خبررساں ادارے کے مطابق پیرس کی مصروف ترین شاہراہ پر ایک شخص نے سڑک پر پیدل چلنے والی ماں بیٹی پر چاقو سے حملہ کیا جس کے نتیجے میں وہ دونوں زخمی ہوگئیں۔
چاقو بردار شخص حملے کے بعد نامعلوم مقام پر روپوش ہوگیا تھا مگر پولیس نے سی سی ٹی وی فوٹیج سے اُسے تلاش کیا اور گرفتار کرنے کی کوشش بھی کی مگر یکطرفہ فائرنگ ہوئی جس کے بعد پولیس نے جوابی فائرنگ کی تو حملہ آور ہلاک ہوا۔
مزید پڑھیں: فرانس: سپر مارکیٹ میں خاتون کا چاقو سے حملہ، دو افراد زخمی
فرانس کے وزیرداخلہ کا کہنا تھا کہ ’مذکورہ حملہ دہشت گردی کا واقعہ ہے جس کی ذمہ داری شدت پسند اسلامی تنظیم داعش نے قبول کرلی ہے، حملہ آور نے کارروائی کے وقت اسلامی نعرہ بھی بلند کیا‘۔
تفتیشی افسر کا کولمب کا کہنا تھا کہ ’حملہ آور بظاہر دماغی مریض لگتا ہے البتہ اس حوالے سے مزید تحقیقات جاری ہے‘۔
یہ بھی پڑھیں: پیرس میں چاقو بردار شخص کا حملہ، داعش نے ذمہ داری قبول کرلی
واضح رہے کہ خوشبو کی سرزمین فرانس گزشتہ تین برس سے دہشت گردی کی زد میں ہے، شدت پسندوں کے حملے میں اب تک متعدد افراد بشمول بچے اور خواتین ہلاک ہوچکے ہیں۔
