پیرس : فرانس کےدارالحکومت پیرس کی میئراین ہدالگو نےچوہوں کےخاتمے کے لیےنئے منصوبے کا اعلان کیاہے۔
تفصیلات کےمطابق فرانس کےدارالحکومت پیرس میں چوہوں کی آبادی میں بڑھتے ہوئے اضافےکے بعد شہرکی سڑکوں سے سگریٹ کے ٹکڑوں کوصاف کیاجائےگا۔
پیرس کی میئراین ہدالگو کاکہناہےکہ شہرکی صفائی پر نئے منصوبے کے تحت 16لاکھ ڈالر خرچ کیےجائیں گے۔انہوں نےکہاکہ شہر میں چوہوں کو پکڑنے کے لیےنئے پھنڈے خریدے جائیں گے۔
فرانس کے دارالحکومت میں ایک اندازے کے مطابق فی آدمی کےمقابلے میں دوچوہے ہیں جس کی وجہ سے شہریوں کو شدید پریشانی کا سامنا ہے۔
پیرس کی میئرکاکہناہےکہ عوامی مقامات پر تمباکو نوشی کرنےو الوں کے لیے نئی ایش ٹریز نصب کی جائیں گی۔اس کے علاوہ انہوں نے شہر میں موجود ریستوران اور بڑی عمارات کے مالکان سے بھی کہا ہے کہ وہ داخلی اور خارجی راستوں پر ایش ٹریز نصب کریں۔
پیرس میں شہر کی مئئر نے ریستورانوں اور بڑی عمارات کے مالکان سے بھی کہا ہے کہ وہ داخلی اور خارجی راستوں پر ایش ٹریز نصب کریں۔
خیال رہےکہ پیرس کی صفائی کے دوران عملہ ہر سال شہر سے ایک سو پچاس ٹن کے قریب سگریٹ کے بچے ہوئے ٹکڑے جمع کرتے ہیں۔
مزید پڑھیں:ڈونلڈ ٹرمپ کےبیان پرپیرس کی میئرکاطنزیہ جواب
واضح رہےکہ گزشتہ ماہ امریکی صدر ڈونلڈ ٹرمپ کےبیان پرجواب دیتے ہوئےپیرس کی میئراین ہدالگو نے اس تاثر کو بھی غلط قرار دیا کہ امریکہ سے آنے والے سیاحوں کی تعداد کم ہو رہی ہے۔انہوں نےکہاتھاکہ شہر میں امریکہ سے آنے والوں کی بکنگ 2017 میں 30 فیصد بڑھ گئی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں