تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ورلڈکپ پاکستانی شہیدوں کے نام، اراکین پارلیمنٹ کا اعلان

اسلام آباد: برطانیہ میں بین الپارلیمانی کرکٹ ورلڈکپ میں پاکستان کو فاتح بنانے والے ارکان پارلیمنٹ کے اعزاز میں تقریب کا انعقاد کیا گیا جس میں ورلڈکپ جیتنے کی خوشی میں کیک کاٹا گیا۔

نمائندہ اے آر وائی عبدالقادر کے مطابق گزشتہ دنوں پاکستان اور بنگلا دیش کی ٹیموں کے درمیان بین الپارلیمانی کرکٹ ورلڈکپ کا فائنل کھیلا گیا تھا جس میں اراکین قومی اسمبلی نے شاندار کھیل کا مظاہرہ کر کے ٹرافی اپنے نام کی۔

اس موقع پر اسپیکر قومی اسمبلی اسد قیصر نے کہا کہ پوری ٹیم ،پاکستانی قوم کومبارکبادپیش کرناچاہتاہوں، ارکان پارلیمنٹ نے بہت اچھےکھیل،ڈسپلن کامظاہرہ کیا، جس کی وجہ سے پہلابین الپارلیمانی ورلڈکپ جیتنےکااعزازپاکستان کو حاصل ہوا۔

اُن کا کہنا تھا کہ اللہ کا شکر ہے کہ اُس نے ہمیں اور پاکستان کو عزت سے نوازا ، قوم کو پیغام ملا ہے تمام جماعتیں قومی مقاصد کیلئےایک ہیں۔

پاکستانی پارلیمانی کرکٹ ٹیم کے کپتان زین قریشی کا کہنا تھا کہ یہ صرف پارلیمان کی نہیں پورے پاکستان کی جیت ہے، ارکان پارلیمان نے پاکستان کی عزت کے لیےکھیلا اور  اسپیکرقومی اسمبلی نےہرمرحلےپرہماری حوصلہ افزائی کی۔

اُن کا کہنا تھا کہ اسپیکر قومی اسمبلی اسدقیصر کےتعاون پر شکر گزار ہیں، ورلڈ کپ ملک کی خاطر جان دینے والوں کےنام کرتے ہیں۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔