site
stats
پاکستان

پارلیمنٹ ہاؤس میں‌ چوہا پکڑنے کا معاوضہ 900 روپے

اسلام آباد : پارلیمنٹ ہاؤس میں چوہے پکڑنے کی مہم کامیابی سے جاری ہے، وزیراعظم نواز شریف کے چیمبر سے بھی ایک چوہا پکڑا گیا ہے، گزشتہ چھ ماہ کے دوران ساڑھے چار سو چوہے پکڑے جا چکے ہیں۔

تفصیلات کے مطابق پارلیمنٹ ہاؤس اسلام آباد میں چوہوں کے لاتعداد بل آباد ہیں، جہاں وہ اپنے اہل و عیال کے ساتھ خوش وخرم زندگی گزار رہے ہیں اور انہیں غذائی اشیاء سمیت تمام مراعات بآسانی دستیاب ہیں۔

rat

پارلیمنٹ ہاؤس سے چوہوں کو پکڑنے والی کمپنی نے گزشتہ روز وزیراعظم کے چیمبر سے بھی ایک چوہا پکڑ لیا، کمپنی کا کہنا ہے دسمبر کے بیس روز میں انہوں نے 24 چوہے پکڑے ہیں۔

یہ پڑھیں: پشاور کینٹ میں چوہے کے سرکی قیمت300روپےمقرر

کمپنی کے مطابق چھ ماہ میں 450 چوہے پکڑے جا چکے ہیں۔ پارلیمنٹ ہاؤس میں چوہوں کی بہتات کی وجہ چیمبرز کے ساتھ موجود کئی کچن ہیں۔

یاد رہے کہ ارکان اسمبلی کی شکایت پر پارلیمنٹ ہاؤس سے چوہوں کو پکڑنے کی مہم چھ ماہ قبل  شروع کی گئی تھی۔ چوہے پکڑنے کا ٹھیکہ لینے والی کمپنی کے مطابق پارلیمنٹ ہاؤس سے جون میں دو سو چھتیس ، جولائی میں بیالیس، اگست اور ستمبر میں اڑسٹھ، اکتوبرمیں تئیس، نومبر میں اٹھائیس اور دسمبر میں چوبیس چوہے پکڑے گئے۔

 کراچی ائیرپورٹ پر چوہوں کا راج، مسافروں کا سامان غیر محفوظ

ذرائع کا کہنا ہے کہ نجی کمپنی چوہے پکڑنے کا معاوضہ نوسو روپے فی چوہا وصول کرتی ہے اور یہ کمپنی چوہوں کی تعداد اورانہیں پکڑنے کے طریقے کا ریکارڈ بھی رکھتی ہے۔

بارودی سرنگیں ہٹانے والے ہیرو چوہے

کمپنی کو پارلیمنٹ ہاؤس سے چوہے پکڑنے کا ٹھیکہ ساڑھے چھ لاکھ روپے سالانہ پر دیا گیا ہے۔ کمپنی کا کہنا ہے پارلیمنٹ ہاؤس میں اب بھی سو سے زائد چوہے موجود ہیں۔

بلدیہ عظمیٰ کونسل کا اہم ریکارڈ چوہے کُتر گئے

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top