کلثوم نواز کا انتقال، پارلیمںٹ کا مشترکہ اجلاس 2 روز کے لیے موخر Parliament's joint session
The news is by your side.

Advertisement

کلثوم نواز کے انتقال پرحکومت نے پارلیمنٹ کا مشترکہ اجلاس 2 روز کے لیے مؤخر کردیا

اسلام آباد: حکومت نے پارلیمنٹ کا جمعرات کو ہونے والے اجلاس سابق خاتون اول کلثوم نواز کی وفات کے باعث دو روز کے لیے موخر کردیا، اجلاس سے صدر عارف علوی خطاب کریں گے۔

تفصیلات کے مطابق حکومت نے سابق وزیر میاں نواز شریف کی اہلیہ کلثوم نواز کے انتقال کے باعث جمعرات کو ہونے والا پارلیمنٹ کا مشترکہ اجلاس موخر کردیا، مسلم لیگ ن نے اجلاس موخر کرنے کی درخواست کی تھی۔

دونوں ایوانوں کا مشترکہ اجلاس اب پیر 17 ستمبر کو ہوگا، جس سے نومنتخب صدر ڈاکٹر عارف علوی خطاب کریں گے۔

اس حوالے سے پاکستان مسلم لیگ ن کے رہنما و سابق وزیر ریلوے خواجہ سعد رفیق کا کہنا تھا کہ بیگم کلثوم نواز کی آخری رسومات میں مصروف ہوں گے جس کے باعث اجلاس میں شریک نہیں ہوسکتے۔

انہوں نے حکومت اور اسپیکر قومی اسمبلی سے مطالبہ کیا تھا کہ پارلیمان کا مشترکہ اجلاس جمعہ کے بجائے پیر کے روز بلایا جائے۔

عارف علوی پاکستان کے تیرہویں صدر منتخب ہوئے جو پارلیمنٹ کے مشترکہ اجلاس سے خطاب کرنے والے نویں صدر ہوں گے، گزشتہ 33 سال میں 8 صدور مشترکہ اجلاس سے 27 مرتبہ خطاب کرچکے ہیں۔

یاد رہے کہ گزشتہ روز سابق وزیراعظم نواز شریف کی اہلیہ بیگم کلثوم نواز لندن میں انتقال کرگئیں تھیں جن کی میت جمعے کو لندن سے پاکستان پہنچے گی اور جمعے کو ہی ان کی نماز جنازہ اور تدفین کی جائے گی۔

Comments

comments

یہ بھی پڑھیں