ابوظہبی: قطر اور متحدہ عرب امارات کے شدید باہمی تنازعے پر عالمی عدالت برائے انصاف نے فیصلہ سنا دیا، عدالت نے یو اے ای کو قطری شہریوں کے حقوق کا تحفظ یقینی بنانے کا حکم دیا ہے۔
تفصیلات کے مطابق قطر اور متحدہ عرب امارات کے درمیان شدید تنازع پایا جاتا ہے، اسی تناظر میں عالمی عدالت برائے انصاف نے قطر کے حق میں فیصلہ سناتے ہوئے یو اے ای کو قطری شہریوں کے حقوق کا تحفظ یقینی بنانے کا حکم دیا ہے۔
غیر ملکی خبر رساں ادارے کے مطابق عالمی عدالت کے اس فیصلے پر قطر کی جانب سے خیر مقدم کیا گیا ہے، عدالت نے اپنے فیصلے میں ابوظہبی حکومت سے کہا ہے کہ وہ یو اے ای میں ایسے خاندانوں کو آپس میں ملنے دے، جن کے کچھ افراد قطری شہری ہیں۔
عالمی عدالتی فیصلے میں متحدہ عرب امارات سے یہ بھی کہا گیا ہے کہ قطری طلبہ کو متحدہ عرب امارات میں تعلیم مکمل کرنے کا موقع فراہم کیا جائے، اور کسی بھی قسم کی مشکلات کے حل کے لیے فوری اقدامات کیے جائیں۔
قطر میں سوشل میڈیا پر جعلی اکاؤنٹس بحرین کے خلاف استعمال ہونے لگے
خیال رہے کہ گزشتہ برس جون میں سعودی عرب، متحدہ عرب امارات اور متعدد دیگر خلیجی ممالک نے قطر کے ساتھ تمام تر سفارتی اور سفری تعلقات ختم کر دیے تھے۔
واضح رہے کہ ان ممالک کا الزام ہے کہ قطری حکومت دہشت گردوں کی معاونت میں ملوث ہے، تاہم دوحہ حکومت ان الزامات کو مسترد کرتی ہے۔
دوسری جانب اس فیصلے کے بعد ابوظہبی حکومت نے موقف اختیار کیا ہے کہ عدالت نے اس معاملے میں فقط عبوری اقدامات کا حکم سنایا ہے اور ان میں سے متعدد پر متحدہ عرب امارات پہلے ہی سے عمل کر رہا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
