لاہور: سابق وزیراعلیٰ پنجاب چوہدری پرویزالٰہی نے الزام عائد کیا ہے کہ عدلیہ مخالف مہم نواز شریف کے اشارے پر چلائی جارہی ہے۔
تفصیلات کے مطابق ایک بیان میں چوہدری پرویزالٰہی نے قومی اسمبلی سے منظور ہونے والے عدلیہ اصلاحات بل پر ردعمل کا اظہار کرتے ہوئے کہا کہ حکومت اپنےغیرآئینی قواعد وضوابط سپریم کورٹ پرمسلط نہیں کرسکتی، مریم نواز،راناثنااللہ کے بعد شہبازشریف نے بھی کر عدلیہ مخالف جذبات کا بتادیا۔
انہوں نے الزام عائد کیا کہ عدلیہ مخالف مہم نوازشریف کےاشارےپرچلائی جارہی ہے۔
یہ بھی پڑھیں: آئین کہتا ہے الیکشن 90 دن میں ہونگے تو اسے کوئی نہیں روک سکتا، عابد زبیری
وزیراعظم کو تنقید کا نشانہ بناتے ہوئے پرویز الہیٰ نے کہا کہ شہبازشریف اپناعلاج رورل ہیلتھ سینٹرسےکرائیں،ہوسکتا ہےکہ علاج کے بعد شہبازشریف کی کسی اچھےکام کی طرف توجہ ہوجائے کیونکہ شہبازشریف کی آٹاشعبدہ بازی اب تک متعدد غریبوں کی جان لےچکی۔
اپنے بیان میں انہوں نے پنجاب کی نگراں حکومت پر طنزیہ وار کرتے ہوئے کہا کہ نگراں حکومت کو مشورہ ہے کہ رورل ہیلتھ سینٹرزمیں آٹاپوائنٹس بنالیں تاکہ زخمی ہونے والوں کا فوری علاج کیا جاسکے۔
