The news is by your side.

Advertisement

یوم دفاعِ پاکستان ہماری تاریخ میں خصوصی اہمیت کا حامل ہے، پرویز خٹک

اسلام آباد : وزیر دفاع پرویز خٹک نے کہا ہے کہ 6ستمبر 1965کو پوری قوم اور مسلح افواج نے دشمن کو ناقابل فراموش سبق سکھایا۔

تفصیلات کے مطابق وزیر دفاع پرویز خٹک نے یوم دفاع کے موقع پر اپنے پیغام میں کہا ہے کہ یوم دفاعِ پاکستان ہماری تاریخ میں خصوصی اہمیت کا حامل ہے اور ہماری بہترین قومی یکجہتی کا عکاس ہے۔

انہوں نے کہا کہ پوری قوم اور مسلح افواج نے دشمن کو ناقابل فراموش سبق سکھایا، قوم کے بیٹوں نے تمام محاذوں پر دشمن کے ناپاک عزائم کو خاک میں ملایا۔

پرویز خٹک نے اپنے جاری پیغام مں کہا کہ پوری قوم پاک فوج کے شہداء اور غازیوں کو بھرپور انداز میں خراجِ تحسین پیش کرتی ہے۔

وزیر دفاع کا کہنا تھا کہ کشمیریوں کی بھارتی جبر سے نجات حاصل کیلئے ان کی جدوجہد کو سلام پیش کرتا ہوں عالمی برادری کو بھی کشمیریوں پر بھارتی فوج کے ظلم و تشدد کی نئی لہر کا نوٹس لینا چاہیے۔

پرویزخٹک نے مزید کہا کہ پاکستان بھارتی فوج کی بربریت کے شکار کشمیریوں کے حق خودارادیت کی اخلاقی اور سفارتی حمایت جاری رکھے گا۔

Comments

یہ بھی پڑھیں