site
stats
پاکستان

ججز نظر بندی کیس : پرویز مشرف ایک بار پھر حاضری سے مستثنیٰ

اسلام آباد : ججز نظر بندی کیس میں سابق صدر پرویز مشرف کو ایک بار پھر حاضری سے استثنی مل گیا۔

تفصیلات کے مطابق انسداددہشت گردی کی خصوصی عدالت میں سابق صدرپرویزمشرف کیخلاف ججزنظربندی کیس کی سماعت ہوئی، اس موقع پر پرویز مشرف کی بیماری سے متعلق نیا میڈیکل سرٹیفیکیٹ عدالت میں پیش کیاگیا،جس پرپراسیکیوٹر عامر ندیم تابش نے میڈیکل سرٹیفیکٹ پر اعتراض کیا۔

پراسیکیوٹر عامر ندیم کاکہناتھا کہ ایسے سرٹیفکیٹ پہلے بھی پیش کئے جاتے رہے ہیں۔ عدم حاضری پر پرویز مشرف کے وارنٹ گرفتاری بھی جاری ہوچکے ہیں ۔

عامر ندیم نے عدالت سے استدعا کی کہ ملزم سے کوئی رعایت نہ برتی جائے آئندہ سماعت پر پرویز مشرف کے وارنٹ گرفتاری کی منسوخی کے خلاف درخواست پر بحث ہوگی۔

کیس کی سماعت انسداد دہشت گردی کی خصوصی عدالت کے جج سہیل اکرام نے کی۔عدالت نے سماعت ستائیس نومبر تک ملتوی کردی۔

واضح رہے کہ اسلام آباد کی انسداد دہشت گردی کی عدالت کے جج سہیل اکرام کے چھٹی پر ہونے کے باعث ججز نظربندی کیس کی سماعت آج تک کیلئے ملتوی کردی گئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top