کراچی : سابق صدر پاکستان جنرل (ر) پرویز مشرف کا جسد خاکی لے کر خصوصی طیارہ کراچی پہنچ گیا ہے۔
سابق صدر جنرل (ر) پرویزمشرف کے جسد خاکی کو وطن واپس لانے کیلئے خصوصی طیارہ دبئی روانہ کیاگیا تھا۔
پرویز مشرف کی میت کراچی ایئرپورٹ سے ملیرکینٹ روانہ کردی گئی جبکہ پرویزمشرف کے اہل خانہ بھی کراچی ایئرپورٹ سے روانہ ہوگئے۔
ترجمان دفتر خارجہ نے پرویزمشرف کے جسد خاکی کو واپس وطن لانے کے معاملے پر کہا تھا کہ متحدہ عرب امارات میں پاکستان مشن مکمل تعاون اور مدد فراہم کررہا ہے۔
یو اے ای میں پاکستانی مشن مشرف خاندان کے ساتھ رابطے میں ہے، پاکستان مشن مشرف خاندان کی ضروریات کا ہر طرح سے خیال رکھ رہا ہے۔واضح رہے کہ گذشتہ روز سابق صدرپرویز مشرف انتقال کر گئے تھے ، وہ امریکن اسپتال دبئی میں زیرعلاج تھے۔
