The news is by your side.

Advertisement

جُھک کر ملنا میری تربیت میں شامل ہے، پرویز رشید

اسلام آباد : وفاقی وزیر اطلاعات ونشریات پرویز رشید نے کہا ہے کہ میں سب سے جھک کر ملتا ہوں بلاول بھٹو زرداری کو حق ہے کہ وہ اپنا تبصرہ کریں.

ان خیالات کا اظہار انہوں نے میڈیا سے بات چیت کرتے ہوئے کیا، پرویز رشید نے کہا کہ میرا اور قومی اسمبلی میں قائد حزب اختلاف سید خورشید شاہ کا چیمبر بالکل ساتھ ساتھ ہے۔

انہوں نے مجھے کھجوروں کا تحفہ بھیجا، جس کا شکریہ ادا کرنے ان کے پاس گیا اور ان سے جھک کر ملا۔ انہوں نے کہا کہ مسلم لیگ ن پر کوئی برا وقت نہیں بلکہ معمول کا وقت ہے۔

پرویز رشید نے کہا کہ اپوزیشن کے کچھ لوگ چاہتے ہیں کہ پاناما لیکس کا معاملہ سڑکوں پر لایا جائے۔ انہوں نے کہا کہ عمران خان انتخابات جیتنے کی پوزیشن میں نہیں، اس لئے پہلے ہی دن سے سڑکوں پر آ کر اقتدار پر قبضہ کرنا چاہتے ہیں۔

مزید پڑھیں : حکمران مشکل میں ہوں تو پاؤں، باہر نکل آئیں تو گلا پکڑتے ہیں،بلاول

واضح رہے کہ خورشید شاہ اور پرویز رشید کی ملاقات کی ایک تصویر منظر عام پر آئی ہے جس میں پرویز رشید احتراماً خورشید شاہ کے پیروں کو ہاتھ لگا رہے ہیں ۔اس تصویر پر تبصرہ کرتے ہوئے بلاول بھٹو نے کہا تھا کہ برا وقت ہو تو پیروں کو ہاتھ لگا تے ہیں اور مشکل وقت نکل جائے تو گلے پر ہاتھ ڈالتے ہیں۔

 

Print Friendly, PDF & Email

Comments

comments

یہ بھی پڑھیں