جلسوں کی خالی کرسیاں عمران کا سیاسی مستقبل ہیں، پرویز رشید -
The news is by your side.

Advertisement

جلسوں کی خالی کرسیاں عمران کا سیاسی مستقبل ہیں، پرویز رشید

اسلام آباد : وفاقی وزیر اطلاعات پرویز رشید نے کہا ہے کہ عمران خان کے جلسوں میں خالی کرسیاں ان کا سیاسی مستقبل بتارہی ہیں، سڑکوں پر رونے والے ہمیشہ سڑکوں پرآنے کی دھمکیاں دیتے ہیں۔

ان خیالات کا اظہار انہوں نے پی ٹی آئی کے زیراہتمام کوہاٹ میں ہونے والے جلسے میں عمران خان کے خطاب کے ردعمل میں اپنے بیان میں کیا۔

وزیر اطلاعات پرویز رشید نے کہا کہ عمران خان جلسوں میں آکر خیبر پختونخواہ میں ترقیاتی منصوبوں کی بجائے گالم گلوچ والی پرانی کیسٹ لگا لیتے ہیں۔

انہوں نے کہا کہ عمران خان کی منفی سیاست سے نواز لیگ مزید مضبوط ہورہی ہے، کوہاٹ جلسے میں شرکا کی تعداد پر تبصرہ کرتے ہوئے ان کا کہنا تھا کہ عمران خان کے جلسوں میں موجود خالی کرسیاں پی ٹی آئی کے سیاسی مستقبل کا پتا دے رہی ہیں۔

پرویز رشید نے کہا کہ گزشتہ تین سال سےسڑکوں پر رونا رونے والے عمران خان پھر سڑکوں پرآنے کی دھمکیاں دے رہے ہیں۔

Comments

comments

یہ بھی پڑھیں