عمران خان کے دل میں چیئرمین نیب کیلئے محبت کیسے جاگ اٹھی؟ پرویزرشید -
The news is by your side.

Advertisement

عمران خان کے دل میں چیئرمین نیب کیلئے محبت کیسے جاگ اٹھی؟ پرویزرشید

ٹیکسلا : وفاقی وزیر اطلاعات ونشریات سینیٹر پرویز رشید نے کہا ہے کہ خان صاحب پہلے چیئرمین نیب کے بارے میں کہتے تھے کہ یہ مک مکا کا چیئرمین ہے۔ اب ان کے دل میں چیئرمین نیب کے لئے محبت کیسے جاگ اٹھی؟

انہوں نے کہا کہ ناخن بڑھ جائیں تو انہیں تراش لینا چاہئیں، ان خیالات کا اظہار انہوں نے ٹیکسلا میں میڈیا سے بات کرتے ہوئے کیا۔

پرویز رشید کا کہنا تھا کہ تاریخ میں اتنے ترقیاتی کام نہیں ہوئے جتنے ڈھائی سال میں مکمل ہوئے، ہم پانچ سال کے منصوبے ڈھائی سال کے عرصے میں کرنا چاہتے تھے لیکن عمران خان کے دھرنے نے ہمارے تمام منصوبوں کو نقصان پہنچا کر پاکستان کی ترقی کو ڈھائی سال پیچھے دھکیل دیا۔

بدعنوانی روک کر شفافیت برقرار رکھنا ہمارا فرض ہے اور ہمیں کسی کے پر نہیں کاٹنے صرف بڑھے ہوئے ناخن تراشے ہیں۔

نیب کے بعض اقدامات کی وجہ سے افسران بھی خوفزدہ ہیں اور نیب کچھ منصوبوں کی تجاویز پر بھی اعتراض کرتا ہے ۔ ملک کی بہتری کے لئے کام کرنے والے ادارے اور ہر ایماندار افسر کو تحفظ فراہم کرنا حکومت وقت کا فرض ہے۔

Comments

comments

یہ بھی پڑھیں