The news is by your side.

Advertisement

عمران خان تین سال سے ایک ہی تقریر کررہے ہیں، پرویز رشید

اسلام آباد : وفاقی وزیر اطلاعات و نشریات پرویز رشید نے کہا ہے کہ اقتدار کے لئے اقدار کا جنازہ نکالنے والوں کو تاریخ کبھی معاف نہیں کرے گی۔ عمران خان تین سال سے ایک ہی تقریر کررہے ہیں۔

تفصیلات کے مطابق سوات میں عمران خان کے جلسے  سے خطاب پر مسلم لیگی رہنماؤں نے اپنے شدید ردعمل کا اظہار کیا ہے۔

اسلام آباد میں میڈیا سے گفتگو کرتے ہوئے وفاقی وزیراطلاعات و نشریات پرویز رشید نے کہا کہ وزیراعظم نواز شریف سوات میں ترقیاتی منصوبے لے کر گئے اورعمران خان ان منصوبوں پر تنقید کرنے کیلئے وہاں گئے۔

پرویز رشید نے کہا کہ نئے خیبر پختونخواہ میں اسکولوں کے بچے زمین پر بیٹھ کر پڑھتے ہیں۔ عمران خان کا دامن صاف ہوتا تو سینہ تان کر خود کو احتساب کیلئے پیش کرتے۔

انہوں نے کہا کہ عمران خان سڑک سے جاتے تو ان کو کے پی کے میں کھنڈرات کی شکل میں سڑکیں نظر آتیں۔ ان کا کہنا تھا کہ اقتدار کے لئے اقدار کا جنازہ نکالنے والوں کو تاریخ معاف نہیں کرے گی۔

دوسری جانب پنجاب کے وزیر قانون رانا ثناء اللہ نے کہا ہے کہ عمران خان رٹی رٹائی باتیں کرتے ہیں دوہزار اٹھارہ کے عام انتخابات میں ملنے والے ووٹوں سے عمران خان کا علاج ہوگا۔

 

Comments

comments

یہ بھی پڑھیں