کراچی : وفاقی وزیراطلاعات پرویز رشید نے کہا ہے کہ متحدہ قومی موومنٹ غدار نہیں بلکہ ایک سیا سی جماعت ہے ،حکومت جس کے مینڈیٹ کو تسلیم کرتی ہے,۔
ان خیالات کا اظہار انہوں نے اے آروائی نیوز کے پروگرام الیونتھ آور میں میزبان وسیم بادامی سے گفتگو کرتے ہوئے کیا۔
پرویزرشید کا کہنا تھا کہ اگر ہم متحدہ قومی موومنٹ کو غدار سمجھتے تو ان کے اراکین اسمبلی کو مناکر نہیں لاتے۔
وفاقی وزیر اطلاعات کا کہنا تھا کہ عمران خان کیخلاف سخت الفاظ جان بوجھ کر استعمال کئے تاکہ انہیں بھی اپنی غلطی کا احساس ہو سکے۔
ان کا مزید کہنا تھا کہ بلدیاتی انتخابات میں ن لیگ کی فتح عوام کا حکومتی پالیسیوں پر اعتماد کا مظہر ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں