The news is by your side.

Advertisement

پنجاب میں انتخابات سندھ اور کے پی کے کی نسبت پرامن رہے، پرویز رشید

لاہور : وفاقی وزیر اطلاعات سینیٹر پرویز رشید نے کہا ہے کہ بلدیاتی انتخابات سے 2013 کے الیکشن کی شفافیت ثابت ہو گئی۔

پنجاب میں انتخابات سندھ اور خیبر پختونخواہ کی نسبت پرامن رہے۔ ایوان اقبال لاہور میں نفاذ اردو کانفرنس سے خطاب اور میڈیا سے گفتگو کرتے ہوئے وفاقی وزیر اطلاعات سنیٹر پرویز رشید کا کہنا تھا کہ کل ہونے والے بلدیاتی انتخابات نے ثابت کر دیا کہ 2013 کے انتخابات شفاف ترین تھے، پنجاب میں خیبر پختونخواہ اور سندھ کی نسبت بلدیاتی انتخابات زیادہ شفاف اور پرامن ہوئے ہیں۔

انہوں نے کہا کہ فیصل آباد میں چودھری شیر علی اور رانا ثناءاللہ کے درمیان ووٹ کی پرچی نے فیصلہ کر دیا، جسے پارٹی قیادت نے بھی تسلیم کر لیا ہے۔

انہوں نے بلدیاتی نمائندوں کے غیر مؤثر ہونے کے تاثر کو قطعی غلط قرار دیتے ہوئے کہا کہ جو منتخب ہو کر آئے ہیں وہ اپنا اختیار حاصل کر لیں گے۔

پنجاب کے عوام نے شہباز شریف کے لاکھوں ہاتھ منتخب کئے ہیں۔ اس موقع پر وفاقی وزیر خواجہ سعد رفیق کا کہنا تھا کہ مسلم لیگ نون نے سیاست میں کبھی فنکاری نہیں دکھائی، ان کی جڑیں اس شہر کی بنیادوں میں ہیں، جس کیلئے خون دیا گیا۔

Print Friendly, PDF & Email

Comments

comments

یہ بھی پڑھیں