site
stats
پاکستان

پشین:سیکیورٹی فورسز کا آپریشن، 5دہشتگرد ہلاک

پشین : بلوچستان کے علاقے پشین میں سیکورٹی فورسزکے سر چ آپریشن کے دوران فائرنگ کے تبادلے میں پانچ دہشتگرد ہلاک جبکہ دو سیکورٹی اہلکار زخمی ہوگئے۔

پشین میں سیکیورٹی فورسز کا دہشتگردوں کیخلاف سرچ آپریشن جاری ہے، پشین کے علاقے کلی حرمزئی میں سیکورٹی فورسز نے دہشتگردوں کے سہولت کاروں کی موجودگی پر سرچ آپریشن کیا۔

دہشتگردوں نے سیکیورٹی اہلکاروں کو دیکھتے ہی فائرنگ شروع کردی، فورسز کی جوابی فائرنگ میں پانچ دہشتگرد مارے گئے جبکہ دو سیکیورٹی اہلکار زخمی ہوئے، آپریشن ساڑھے چار گھنٹے تک جاری رہا۔

سیکیورٹی حکام کے مطابق مارے گئے دہشتگردوں کے قبضے سے اسلحہ بھی برآمد کیا گیا ہے سیکورٹی فورسز کا علاقے میں سرچ آپریشن جاری ہے، جسکے لئے مزید نفری طلب کرلی گئی ہے۔

سیکیورٹی ذرائع کے مطابق ہلاک ہونے والے دہشتگردوں کا تعلق کالعدم تنظیم سے ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top