بلوچستان کے ضلع پشین میں سی ٹی ڈی کی کارروائی میں تین مطلوب ملزمان سمیت 4 افراد ہلاک ہوگئے۔
کاونٹر ٹیررازم ڈیپارٹمنٹ کے ذرائع کے مطابق پشین کے علاقے کربلا میں سید ثناء اللہ سمیت تین مطلوب ملزمان کی گرفتاری کیلئے چھاپہ مارا گیا تو ملزمان نے پولیس پر فائرنگ شروع کردی اس دوران فائرنگ کے تبادلے میں سید ثناء اللہ اور اس کے دوبھائیوں سمیت چار افراد ہلاک ہوگئے جبکہ تین پولیس اہلکاروں اور خاتون سمیت چھ افراد زخمی ہوگئے۔
ذرائع کا کہنا ہے کہ کارروائی ڈی آئی جی سی ٹی ڈی اعتزاز گورایا کی قیادت میں کی گئی، ملزمان کی گرفتاری کیلئے پانچ روز قبل بھی چھاپہ مارا گیا تھا تاہم تمام ملزمان فائرنگ کرتے ہوئے فرار ہوگئے تھے اور کلی کربلا میں واقع اپنے رشتہ دار کے گھر میں روپوش ہوگئے تھے۔
ریسکیو حکام کے مطابق زخمی افراد کو طبی امداد کے لئے کوئٹہ منتقل کردیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں