بھارت کے حیدرآباد میں مسافر طیارے میں موجود مسافر نے ایئر ہوسٹس سے بد تمیزی کی، جسے حیدرآباد کے راجیو گاندھی انٹرنیشنل ایئرپورٹ (آر جی آئی اے) پولیس نے حراست میں لے لیا۔
بھارتی میڈیا رپورٹس کے مطابق طیارے میں موجود مسافر نے خانگی ایئرلائن کی ایئر ہوسٹس کے ساتھ بدتمیزی کی۔ جس نے اس بارے میں آر جی آئی ایئرپورٹ کی سکیورٹی اور ایئرلائنس کے حکام کو آگاہ کیا۔
آر جی آئی ایئرپورٹ کی سکیورٹی اور ایئرلائنس کے حکام نے فوری ایکشن لیتے ہوئے مذکورہ شخص کو پکڑ کر پولیس کے حوالے کردیا، پولیس کی جانب سے شکایت درج کی گئی اور ملزم کو گرفتار کرلیا گیا۔
اس سے قبل بھی بھارت میں دوران پرواز ایئرہوسٹس سے بدتمیزی کرنے والے نوجوانوں کو گرفتار کرلیا گیا تھا۔
دہلی سے پٹنہ جانے والی پرواز میں تین مسافروں نے ہنگامہ برپا کردیا اور ایئرہوسٹس سے بدتمیزی کرنے لگے جب کپتان نے سمجھانے کی کوشش کی تو اس سے بھی الجھ پڑے۔
ٹریفک پولیس میں خواجہ سراؤں کی بھرتیوں کا آغاز
تینوں مسافر نشے میں دھت ہوکر کپتان کو مارنے لگے پرواز کے پٹنہ ایئرپورٹ پر لینڈ کرتے ہی دو مسافروں کو گرفتار کرلیا گیا جبکہ ایک مسافر فرار ہوگیا۔
