امریکا میں ایک شخص نے مبینہ طور پر دوران پرواز طیارے کو ہائی جیک کرنے کی کوشش کی لیکن عملے کی بروقت پھرتی سے مذکورہ شخص پر قابو پا لیا گیا۔
امریکی میڈیا کے مطابق یہ واقعہ ڈیلٹا ایئر ویز کی لاس اینجلس سے نیشول جانے والی پرواز پر پیش آیا۔ مذکورہ شخص نے اچانک اٹھ کر کاک پٹ میں جانے کی کوشش کی جس پر طیارے میں ہلچل مچ گئی۔
تاہم اس سے قبل کہ وہ کسی کو نقصان پہنچا سکتا پرواز کا عملہ تیزی سے حرکت میں آیا اور کئی افراد نے اسے قابو کرلیا۔ مذکورہ شخص کے ہاتھ پاؤں باندھ کر ایک سیٹ پر ڈال دیا گیا۔
— 💡 (@1WaySuggs) June 4, 2021
جہاز میں موجود ایک خاتون مسافر نے 2 منٹ طویل ایک ویڈیو ٹویٹر پر پوسٹ کی جس میں دیکھا جاسکتا ہے کہ جہاز کا عملہ مذکورہ شخص کو نیچے گرا کر اس کے ہاتھ پاؤں باندھ رہا ہے۔
This was our view from the 3rd row right after the @Delta attendants and passengers apprehended the person who attempted to get into the cockpit. He was screaming “Stop the plane.” pic.twitter.com/8CG7zNFpTq
— Jessica Robertson (@jesscribe) June 4, 2021
ناخوشگوار صورتحال کے باعث پرواز کو البکرکی کے شہر موڑ دیا گیا جہاں طیارے نے ایمرجنسی لینڈنگ کی۔ وہاں پولیس اور ایف آئی نے مذکورہ شخص کو گرفتار کرلیا۔
مذکورہ شخص کو جہاز سے اتار لینے کے بعد پرواز اپنی منزل نیشول کی جانب روانہ ہوگئی۔
تاحال قانون نافذ کرنے والے اداروں نے کوئی معلومات نہیں دیں کہ آیا مذکورہ شخص مسلح تھا یا نشے میں تھا، اور نہ ہی یہ پتہ چل سکا کہ اس شخص کا مقصد کیا تھا۔