The news is by your side.

Advertisement

اسلام آباد : مسافر طیارہ خوفناک حادثے سے بال بال بچ گیا

اسلام آباد : کراچی سے اسلام آباد پہنچنے والی نجی ایئرلائن کی پرواز حادثے سے بال بال بچ گئی، پائلٹ نے مہارت کا مظاہرہ کرتے ہوئے طیارے کو بحفاظت زمین پر اتار لیا۔

اس حوالے سے ذرائع کا کہنا ہے کہ نجی ایئرلائن کے بوئنگ737طیارہ کی دوران لینڈنگ ونڈ اسکرین پر اچانک کریک پڑ گیا، واقعے کے بعد طیارے میں موجود مسافروں میں خوف و ہراس پھیل گیا۔

ایئرلائن انتظامیہ کا کہنا ہے کہ کریک پڑنے کی وجہ سے ونڈ اسکرین کی ایک سائیڈ متاثر ہوئی تاہم پائلٹ نے فوری طور پر مہارت کا مظاہرہ کرتے ہوئے طیارے کو بحفاظت ایئر پورٹ پر اتار لیا۔

ایئرپورٹ ذرائع کا کہنا ہے کہ بوئنگ737طیارے کی ونڈ اسکرین ٹوٹنے کے بعد طیارے کو گراونڈ کردیا گیا ہے اور اسلام آباد سے کراچی جانے والی پرواز منسوخ کردی گئی ہے۔

ایئرلائن انتظامیہ کا کہنا ہے کہ انجینئرز کی ٹیم طلب کرلی گئی ہے جو ہنگامی طور پر متاثر ہونے والی ونڈ اسکرین کو تبدیل کر رہے ہیں، ونڈ اسکرین تبدیل ہونے کے بعد طیارے کو آپریٹ کیا جائے گا۔

واضح رہے کہ گزشتہ سال دسمبر میں پی آئی اے کا طیارہ بھی اسی طرح کے حادثے سے بچ گیا تھا۔ طیارے کے لاہور ایئر پورٹ پر اترتے ہی انجن سے کوئی چیز ٹکرائی جس سے اس کا توازن بگڑا خوش قسمتی سے کوئی جانی نقصان نہیں ہوا تھا۔

Comments

یہ بھی پڑھیں