میلبرن: آسٹریلیا میں دوران پرواز مسافر کے انوکھے روپ کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق کورونا وائرس نے چین سمیت متعدد ممالک میں دہشت پھیلائی ہوئی ہے، ہر کوئی مہلک وائرس سے بچاؤ کے لیے احتیاط برتنے میں مصروف عمل ہے۔
آسٹریلیا میں دوران پرواز ایک مسافر کی ویڈیو وائرل ہوئی جس نے اپننے چہرے اور جسم پر صرف اس لیے پلاسٹک ریپ چڑھایا ہوا ہے تاکہ کورونا وائرس کا شکار نہ ہوجائے۔
پرواز میں بیٹھے دوسرے مسافر نے اس سارے منظر کی ویڈیو بناکر سوشل میڈیا پر پوسٹ کردی جو وائرل ہوگئی۔
ویڈیو میں دیکھا جاسکتا ہے کہ مذکورہ مسافر اپنی سیٹ پر ماسک، گلوز اور اپنے پورے جسم پر پلاسٹک کے کپڑے زیب تن کیے ہوئے ہے۔
Currently behind me on the plane. When you super scared of #coronavirus #COVID2019 pic.twitter.com/iOz1RsNSG1
— alyssa (@Alyss423) February 19, 2020
رپورٹ کے مطابق پرواز سڈنی سے ہملٹن آئس لینڈ جارہی تھی، مسافر کی جانب سے وائرس سے بچاؤ کے لیے سرجیکل ماسک بھی پہنا گیا ہے۔
الیسا نامی خاتون مسافر نے ویڈیو شیئر کرتے ہوئے کیپشن دیا کہ ’فی الحال دوران پرواز میرے پیچھے کورونا وائرس سے خوفزدہ لوگ موجود ہیں۔‘
ویڈیو وائرل ہونے کے بعد سوشل میڈیا پر 2 لاکھ سے زائد افراد دیکے چکے ہیں اسے ری ٹویٹ بھی کرچکے ہیں۔
علاوہ ازیں کوئنز لینڈ میں 20 سالہ شخص میں کورونا وائرس کی تصدیق ہوئی اور وائرس سے متاثرہ افراد کی تعداد 10 ہوگئی ہے جبکہ آسٹریلیا میں کورونا وائرس سے متاثرہ افراد کی تعداد 34 ہوگئی ہے۔
