کراچی:پاکستان نیول اکیڈمی میں پاسنگ آؤٹ پریڈ -
The news is by your side.

Advertisement

کراچی:پاکستان نیول اکیڈمی میں پاسنگ آؤٹ پریڈ

کراچی: پاکستان نیول اکیڈمی کراچی میں نیول کیڈٹس کی پاسنگ آؤٹ پریڈ تقریب ہوئی،پاس آؤٹ ہونے والے 100افسران میں 28غیرملکی کیڈٹس شامل ہیں۔

تفصیلات کےمطابق پاکستان نیول اکیڈمی کراچی میں نیول کیڈٹس کی پاسنگ آؤٹ پریڈ تقریب ہوئی۔ مہمان خصوصی چیئرمین جوائنٹ چیفس آف اسٹاف کمیٹی جنرل زبیرمحمودحیات تھے۔

جنرل زبیرمحمودحیات نےپریڈ کا معائنہ کیا۔اس موقع پرکامیاب ہونے والے کیڈٹس نے مارچ پاسٹ کیا اورسلامی دی۔

پاکستان نیول اکیڈمی سے پاس آؤٹ ہونے والے کیڈٹس میں بحرین ،قطراورسعودی عرب کے28کیڈٹس میں شامل ہیں۔ اکیڈمی میں 2400سےزائدغیرملکی افسران تربیت حاصل کرچکےہیں۔

چیئرمین جوائنٹ چیفس آف اسٹاف کمیٹی نےتقریب سےخطاب کرتے ہوئےکہاکہ نیول اکیڈمی کی تقریب میں شرکت میرےلیےاعزازہے۔ انہوں نے اس موقع پرتربیت مکمل کرنےوالےافسران کومبارکباد پیش کی۔

جنرل زبیرمحمودحیات نےکہاکہ قطر،بحرین،سعودی عرب،مالدیپ ،دیگر ممالک بھی آج کی پریڈکاحصہ ہیں،مجھےیقین ہےان ممالک کےکیڈٹ اپنی افواج میں اپنی مہارت ثابت کریں گے۔

انہوں نےتقریب سے خطاب کرتے ہوئےکہاکہ را افغانستان سمیت دیگرمقامات سےکام کررہی ہے،کوئی غلط فہمی نہ رہےہم دشمن کی ہرکوشش ناکام بنادیں گے۔

واضح رہےکہ چیئرمین جوائنٹ چیفس آف اسٹاف کمیٹی کا کہناتھاکہ آپریشن ضرب عضب ایک فوجی آپریشن ہی نہیں بلکہ دہشت گردی کےخلاف قوم کی مشترکہ کوشش تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں