The news is by your side.

Advertisement

ایک اور ایرانی کرونا ویکسین کو استعمال کی اجازت مل گئی

تہران: ایران نے کرونا کی دوسری مقامی ویکسین لانچ کر دی ہے، وزارت صحت کی جانب سے اس ویکسین کے استعمال کی اجازت مل گئی۔

تفصیلات کے مطابق ایرانی وزارت صحت نے کو وِڈ 19 کی دوسری مقامی ویکسین پاستورویکسین کے ہنگامی استعمال کی اجازت دے دی۔

ایرانی میڈیا کے مطابق وزیر صحت سعید نمکی نے بدھ کے روز پاستورویکسین کے ہنگامی استعمال کی اجازت دی، یاد رہے کہ اس سے قبل 14 جون کو ایرانی محکمہ صحت نے مقامی طور پر تیار کردہ پہلی کرونا ویکسین کے ہنگامی استعمال کی اجازت دی تھی۔

کرونا وائرس کے خلاف پہلی مقامی طور پر تیار کر دہ ویکسین ’کوو ایران برکت‘ (COVIran) کے نام سے سامنے لائی گئی تھی، اس موقع پر وزیر صحت نے کہا تھا کہ دیگر مقامی ویکسینز پاستور اور راضی پارس سمیت فخرہ نامی ویکسینز کو بھی جلد ہی استعمال کا اجازت نامہ مل جائے گا۔

واضح رہے کہ ایران نے کوو ایران نامی ویکسین کا پہلی بار انسان پر ٹیسٹ 29 دسمبر کو کیا تھا، جس کے مثبت نتائے سامنے آئے تھے، اس ویکسین کی پہلی خوراک سائنسی ادارے کے سربراہ محمد مخبر کی بیٹی طیبہ مخبر کو رضا کارانہ طور پر لگائی گئی تھی۔

25 جون کو ایرانی ویکسین کا انتظار کرنے والے سپریم لیڈر آیت اللہ خامنہ ای بھی نے کوو ایران ویکسین لگوائی تھی، انھوں نے ویکسین لگوانے کے بعد بیان میں کہا مجھے ڈاکٹرز مہینوں سے ویکسین لگوانے کا کہہ رہے تھے، لیکن میں نے کہا تھا کہ میں ایران کی اپنی ویکسین تیار ہونے تک انتظار کروں گا۔

Comments

یہ بھی پڑھیں