The news is by your side.

Advertisement

پٹیل پاڑہ پر فائرنگ کا واقعہ، سی سی ٹی وی فوٹیج موصول

کراچی: پٹیل پاڑہ پر گزشتہ روز فائرنگ کے واقعے کی سی سی ٹی وی فوٹیج اے آر وائی نیوز نے حاصل کرلی ہے جس میں دیکھا جاسکتاہے کہح مسلح ملزمان نے دو افراد پر فائرنگ کی اور بآسانی فرار ہوگئے۔

تفصیلات کے مطابق گزشتہ روز کراچی کے علاقے پٹیل پاڑہ میں نماز کی ادائیگی کے بعد مسجد سے نکلنے والے دو افراد کو مسلح ملزمان نے نشانہ بنایا جس کے نتیجے میں دونوں جاں بحق ہوگئے تھے۔

فائرنگ کے واقعے کی سی سی ٹی وی فوٹیج اے آر وائی نیوز کو موصول ہوگئی ہے جس میں دیکھا جاسکتا ہے کہ 2 موٹر سائیکلوں پر چار مسلح ملزمان نے پیدل چلنے والے 2 افراد پر فائرنگ کی اور وہاں سے فرار ہوگئے۔

واپس جاتے وقت مسلح ملزمان انتہائی پرسکون تھے اور اپنی موٹرسائیکلیں بھی تبدیل کیں اور وہاں سے کامیابی سے فرار ہوئے۔ چار میں سے دو ملزمان نے ہیلمٹ پہنے ہوئے تھے اور دو نے منہ پر نقاب لگائے ہوئے تھے۔

یاد رہے گزشتہ روز ہونے والے ہلاکتوں کا مقدمہ آج جمشید کوارٹر تھانے میں درج کیا گیا ہے جبکہ قانون نافذ کرنے والے اداروں نے پی پی کے سابق سینیٹر فیصل رضا عابدی کو  اس کیس میں ملوث ہونے پر گرفتار کیا ہے۔

یہ پڑھیں: پیپلزپارٹی کےسابق رہنمافیصل رضا عابدی گرفتار

Print Friendly, PDF & Email

Comments

comments

یہ بھی پڑھیں