The news is by your side.

Advertisement

پٹھان کوٹ حملہ: دہشتگردی کےخاتمے کیلئے بھارت سے تعاون کا فیصلہ

اسلام آباد : وزیراعظم نواز شریف کی زیر صدارت اجلاس میں فیصلہ کیا گیا ہے کہ پٹھان کوٹ میں دہشت گردی کے واقعے پربھارت سے مکمل رابطہ رکھا جائے گا۔

اسلام آباد میں وزیراعظم کی زیر صدارت اعلیٰ سطح کے اجلاس میں آرمی چیف جنرل راحیل شریف، وزیرداخلہ چوہدری نثار، وزیرخزانہ اسحاق ڈار، قومی سلامتی کے مشیر ناصر جنجوعہ، سیکرٹری خارجہ، ڈی جی ایم او اور ڈی جی آئی ایس آئی اور دیگر حکام نے شرکت کی۔

اجلاس میں قومی سلامتی کے امور اور خطے کی صورتحال کا جائزہ لیا گیا۔ اجلاس میں پٹھان کوٹ حملے کی شدید الفاظ میں مذمت کی گئی اور کہا گیا کہ پاکستان کی سرزمین کسی کے خلاف استعمال نہیں ہونی دی جائے گی۔

اجلاس میں کہاگیا کہ پاکستان ہر قسم کی دہشت گردی کی مذمت کرتا ہے اور تمام دہشت گردوں کے خلاف بلا تفریق کارروائی کر رہا ہے۔

اجلاس میں فیصلہ کیاگیا کہ خطے میں دہشت گردی کےخاتمے کیلئے مکمل تعاون کریں گے، پاکستان دہشت گردی کےخاتمےکیلئےبھارت سےبھی تعاون کرےگا۔

اجلاس میں پٹھان کوٹ حملے پر بھارت کی فراہم کردہ معلومات کا جائزہ لیا گیا۔ اور بھارت سےمکمل رابطہ رکھنے کا فیصلہ کیا گیا۔ اجلاس میں پاک بھارت حالیہ اعلیٰ سطح کے رابطوں پراطمینان کااظہارکیا گیا۔

Comments

comments

یہ بھی پڑھیں