مائیکروسافٹ کے شریک بانی’پال ایلن‘چل بسے -
The news is by your side.

Advertisement

مائیکروسافٹ کے شریک بانی’پال ایلن‘چل بسے

نیوریارک: مائیکروسافٹ کے شریک بانی پال ایلن گلے کی رسولی کے مرض میں مبتلا رہ کر 65 سال کی عمر میں چل بسے، انہوں نے اس مرض کا 2009 میں علاج کروایا تھا اور محض دو ہفتے قبل یہ پھر لوٹ آیا تھا۔

تفصیلات کے مطابق پال نان ہاجکن لمفومیا نامی بیماری میں مبتلا تھے اور چند روز قبل ہی انہوں نے کہا تھا کہ وہ اور ان کے ڈاکٹر ’علاج‘ کے بارے میں انتہائی پر امید ہیں، تاہم وہ جانبر نہ ہوسکے۔

اس موقع پر ان کے دوست اور مائیکروسافٹ میں ان کے ساتھی بانی بل گیٹس کا کہنا تھا کہ ’’ اپنے سب سے پرانے اور عزیز دوست کے اس جہان سے چلے جانے پر میں حد درجہ دل گرفتہ ہوں، پرسنل کمپیوٹنگ کی دنیا میں ہونے والی یہ تیز رفتار ترقی ان کی مدد کے بغیر کسی صورت ممکن نہیں تھی‘‘۔

ان کی موت کی تصدیق گزشتہ روز ان کی بہن جوڈی نے کی اور اپنے بیان میں کہا کہ وہ ہر شعبے میں ایک لازوال کردار کے حامل تھے ۔ ان کے ساتھ کام کرنے والے لوگ ان کی رحم دلی ، انسان دوستی اور بے مثال صلاحیتوں کے گواہ ہیں، وہ ہر معاملے میں ذاتی دلچسپی کا مظاہرہ کیا کرتے تھے ۔

انہوں نے سنہ 1975 میں اپنے اسکول کے دوست بل گیٹس کے ساتھ مل کر ٹیکنالوجی کے دنیا کے سب سے بڑے نام مائیکرو سافٹ نامی ادارے کی بنیاد رکھی تھی، اس کمپنی نے جہاں ان دونوں شخصیات کو بے پناہ دولت سے نواز ا وہیں دنیا کو بھی تقریباً تبدیل کرکے رکھ دیا ۔

اس موقع پر بل گیٹس کا کہنا تھا کہ لیک سائیڈ اسکول کا زمانہ ہو یا مائیکروسافٹ کے قیام میں شراکت داری ہو، یا پھر گزشتہ کئی سالوں سے جاری ہمارے فلاحی منصوبے ہوں، پال ہر جگہ ایک سچے پارٹنر اور عزیز دوست کے روپ میں موجود تھا۔ انہوں نے مزید کہا کہ وہ اس سے زیادہ وقت کا حقدار تھا ، جتنا وہ دنیا میں گزار کر گیا، لیکن اس ٹیکنالوجی اور فلاحی کاموں میں اس کا لازوال کردار اسے آئندہ نسلوں میں زندہ رکھے گا۔

پال ایلن گارڈنر ایک امریکی کاروباری شخصیت، سرمایہ کار اور مخیر تھے۔ انہوں نے 1975ء میں بل گیٹس کے ساتھ مل کر مائیکروسافٹ قائم کیا تھا۔ وفات کے وقت اندازہ لگایا جا رہا تھا کہ وہ دنیا 46ویں امیر ترین شخص ہیں جن کی کل دولت $20.3 بلین ہےجن میں سے مائیکروسافٹ کے 100 ملین شیئرز بھی شامل ہیں۔

پال ولکن انکارپوریشن کے بانی اور چیئرمین تھے۔ پال ٹیکنالوجی اور میڈیا کمپنیوں، سائنسی تحقیق، جائیداد کی خرید و فروخت، نجی خلائی پرواز سٹّا بازوں اور دیگر کمپنیوں میں کئی بلین ڈالر کی سرمایہ کاری کر چکے تھے۔ وہ دو پیشہ ور کھیلوں کی ٹیموں کے مالک تھے،نیشنل فٹبال لیگ کی سیئٹل سی ہاکس اور نیشنل باسکٹ بال ایسوسی ایشن کی پورٹ لینڈ ٹریل بلیزرز اور سیئٹل ساؤنڈرز ایف سی کے ساتھی اوربانی بھی تھے۔

Comments

comments

یہ بھی پڑھیں