پی سی بی نے آسٹریلیا کے خلاف ون ڈے سیریز کا شیڈول جاری کردیا
The news is by your side.

Advertisement

پی سی بی نے آسٹریلیا کے خلاف ون ڈے سیریز کا شیڈول جاری کردیا

لاہور: پاکستان اور آسٹریلیا کے درمیان 5 ون ڈے میچوں کی سیریز کے شیڈول کا اعلان کردیا گیا۔

تفصیلات کے مطابق پاکستان کرکٹ بورڈ (پی سی بی) نے آسٹریلیا کے خلاف پانچ ون ڈے میچوں کی سیریز کے لیے شیڈول کا اعلان کردیا گیا، ون ڈے سیریز متحدہ عرب امارات میں کھیلی جائے گی۔

شیڈول کے مطابق پانچ ون ڈے میچز کی سیریز 22 سے 31 مارچ تک متحدہ عرب امارات میں کھیلی جائے گی، سیریز سے پاکستان کو ورلڈ کپ کی تیاریوں میں مدد ملے گی، آسٹریلیا کو پاکستان میں سیریز کھیلنے کی پیش کش کی جائے گی۔

پی سی بی کے مطابق پاکستان اور آسٹریلیا کے درمیان پہلا میچ 22 اور دوسرا 24 مارچ کو شارجہ میں کھیلا جائے گا، سیریز کا تیسرا میچ 27 مارچ کو ابوظبی میں کھیلا جائے گا۔

دونوں ٹیموں کے درمیان چوتھا اور پانچواں ون ڈے میچز 29 اور 31 مارچ کو دبئی میں کھیلا جائے گا۔

Comments

comments

یہ بھی پڑھیں