The news is by your side.

Advertisement

ایم سی سی کے دورہ پاکستان کا شیڈول جاری کردیا گیا

لاہور: پاکستان کرکٹ بورڈ (پی سی بی) نے ایم سی سی کے دورہ پاکستان کا شیڈول جاری کردیا۔

تفصیلات کے مطابق پی سی بی کی جانب سے ایم سی سی کے دورہ پاکستان کا شیڈول جاری کردیا گیا ہے جس کے مطابق میری لیبورن کرکٹ کلب کی ٹیم 13 فروری کو پاکستان پہنچے گی۔

شیڈول کے مطابق سابق کرکٹر سنگاکارا کی قیادت میں مہمان ٹیم 14 فروری کو لاہور قلندرز اور 16 فروری کو پاکستان شاہینز کے خلاف میچ کھیلے گی۔

ایم سی سی کی ٹیم 17 فروری کو ناردرن اور 19 فروری کو ملتان سلطانز کے خلاف ایکشن میں نظر آئے گی۔

ایم سی سی کی ٹیم پاکستان شاہینز کے خلاف 50 اوورز پر مشتمل میچ کھیلے گی جبکہ دیگر ٹیموں کے خلاف میچز 20 اوورز پر مشتمل ہوں گے۔

واضح رہے کہ 20 فروری کو پی ایس ایل سیزن فائیو کا آغاز ہورہا ہے جس کی افتتاحی تقریب کراچی کے نیشنل اسٹیڈیم میں ہوگی جبکہ پی ایس ایل کا فائنل میچ 22 مارچ کو لاہور میں کھیلا جائے گا۔

fb-share-icon0
Tweet 20

Comments

comments

یہ بھی پڑھیں