The news is by your side.

Advertisement

پی سی بی کا سالانہ ایوارڈ کے لیے نامزدگیوں کا اعلان

لاہور: پاکستان کرکٹ بورڈ (پی سی بی ) کی جانب سے سالانہ ایوارڈ کے لیے نامزد گیوں کا اعلان کردیا گیا ہے۔

تفصیلات کے مطابق پی سی بی کی جانب سے سالانہ ایوارڈ 2021 کے لیے جاری کردہ نامزدگیوں میں بابر اعظم، شاہین شاہ آفریدی کو مختلف کیٹیگریز میں شارٹ لسٹ کیا گیا ہے۔

پی سی بی کے مطابق سال کی متاثر کن پر فارمنس آف دی ایٸر کیٹگری کے لیے فواد عالم، حسن علی، محمد رضوان اور شاہین شاہ کو شارٹ لسٹ کیا گیا ہے، فواد عالم نے جنوبی افریقا کے خلاف ٹیسٹ میں ناقابل شکست سینچری جڑی تھی جبکہ حسن علی نے پروٹیز کے خلاف ٹیسٹ میں 10 وکٹیں حاصل کرنے کا کارنامہ سرانجام دیا تھا۔

محمد رضوان کو ٹی ٹوئنٹی ورلڈکپ میں روایتی حریف بھارت کے خلاف شاندار 79 رنز اسکور کرنے جبکہ شاہین شاہ آفریدی کو بھارت کے خلاف ٹی ٹوئنٹی میچز میں شاندار 3 وکٹیں حاصل کرنے پر نامزد کیا گیا۔

پی سی بی نے ون ڈے کرکٹر آف دی ائیر کیلئے بابر اعظم، فخرزمان، حارث رؤف اور شاہین آفریدی کو نامزد کیا ہے جبکہ ایمرجنگ کرکٹر آف دی ایٸر کیٹگری کیلئے بھی چار امیدوار نامزد ہوئے ہیں، جن میں ارشد اقبال، اعظم خان ، محمد وسیم جونیٸر اور شاہنواز ڈاہانی شامل ہیں۔

 

Comments

یہ بھی پڑھیں