لاہور: پاکستان کرکٹ بورڈ (پی سی بی) نے پاکستان اور آسٹریلیا کی ٹی 20 سیریز کے میچز کا وقت تبدیل کرنے کا اعلان کردیا۔
پاکستان اور آسٹریلیا کے درمیان تین میچوں کی ٹی 20 سیریز 29 جنوری سے یکم فروری تک کھیلی جائے گی جبکہ تمام میچز قذافی اسٹیڈیم میں شیڈول ہیں۔
میچز اب مقامی وقت کے مطابق شام 4 بجے شروع ہوں گے جبکہ ٹاس ساڑھے 3 بجے کیا جائے گا، یہ فیصلہ موسمی حالات کے پیش نظر کیا گیا ہے۔
اس سے قبل میچ شام 6 بجے شروع ہونا تھے اور ٹاس شام 5 بجکر 30 منٹ پر کیا جانا تھا۔
️ Ticket sales are now live for the Pakistan vs Australia T20I series!
➡️ Book online at https://t.co/r1Y5gXriiG or buy at designated TCS Express Centres from Monday, 3:00 PM onwards
Gaddafi Stadium, Lahore
️ 29 January – 1 February
⏰ Match starts at 4:00 PM PKT… pic.twitter.com/45XkOV0eWI— Pakistan Cricket (@TheRealPCB) January 17, 2026
واضح رہے کہ سیریز آئی سی سی ٹی 20 ورلڈ کپ کی تیاریوں کا حصہ ہے جبکہ میگا ایونٹ 7 فروری سے 8 مارچ تک بھارت اور سری لنکا میں شیڈول ہے، پاکستانی ٹیم اپنے تمام میچز سری لنکا میں کھیلے گی۔
یہ پڑھیں: پاکستان اور آسٹریلیا کے میچز کے وقت میں تبدیلی کا فیصلہ
ورلڈ کپ میں پاکستان کو گروپ اے میں بھارت، امریکا، نیدرلینڈز اور نمیبیا کے ساتھ رکھا گیا ہے جبکہ گروپ بی میں آسٹریلیا کا مقابلہ سری لنکا، آئرلینڈ، زمبابوے اور عمان سے ہوگا۔
یاد رہے کہ پاکستان اور آسٹریلیا کی ٹیمیں ٹی 20 میں 28 بار مدمقابل آچکی ہیں، آسٹریلیا نے 14 جبکہ پاکستان نے 12 میچز جیتے ہیں، ایک میچ ٹائی پر ختم ہوا اور دوسرا بے نتیجہ رہا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں