site
stats
کھیل

اسپاٹ فکسنگ سے تنگ پی سی بی نے گول میز کانفرنس بلالی

لاہور: پی سی بی نے کرکٹ میں بہتری کے لیے گول میز کانفرنس طلب کرلی، کانفرنس میں سابق کرکٹرز کو مدعو کیا گیا ہے۔

تفصیلات کے مطابق پاکستان کرکٹ بورڈ‌ کے چیئرمین شہریار خان نے کرکٹ میں‌ بہتری کے لیے گول میز کانفرنس طلب کرلی ہے، گول میز کانافرنس میں سابق کرکٹرز میں مدثر نذر، وسیم اکرم۔ رمیز راجہ، انتخاب عالم، ظہیر عباس، انضمام الحق، عاقب جاوید، علی نقوی ودیگر شامل ہیں۔ گول میز کانفرنس میں کرکٹ کو فکسنگ سے پاک کرنے کے لیے اقدامات اٹھائے جائے ہیں۔

گول میز کانفرنس میں قومی ٹیم کی پرفارمنس، ڈومیسٹک اسٹرکچر اور پچز کے معیار میں بہتری، قومی و جونیئر ٹیموں کی کوچنگ اور غیر ملکی ٹیموں کے دورہ پاکستان جیسے موضوعات زیر غور آئیں گے۔

پی سی بی کی جانب سے گول میز کانفرنس ایسے وقت میں بلائی گئی ہے ، جب پاکستان کے 5 کھلاڑیوں کو پی ایس ایل اسپاٹ فکسنگ میں ملوث ہونے کے الزامات کا سامنا ہے جبکہ انکے خلاف تحقیقات جاری ہے۔

خیال رہے کہ پاکستان کرکٹ ٹیم ان دنوں دورہ ویسٹ انڈیز کے لیے جا چکی ہے، جس میں قومی ٹیم کالی آندھی کے خلاف 4 ٹی ٹوئنٹی میچز، تین ون ڈے میچز اور تین ٹیسٹ پر مشتمل سیریز کھیلے گی، پاکستان ون ڈے سیریز میں 3-0 سے کامیابی حاصل کرکے براہ راست ورلڈ کپ کے لیے کوالیفائی کرجائے گا۔


یاد رہے کہ گزشتہ ماہ چیئرمین پاکستان کرکٹ بورڈ شہریارخان نے قومی کرکٹ ٹیم کی بہتری کے لیےاگلے ماہ 6اور 7مارچ کو لاہور میں گول میز کانفرنس طلب کی تھی۔

چیئرمین پی سی بی شہریار خان نے کہا تھا کہ کہ جس نے کرپشن کی وہ کیرئیر ختم سمجھے، اب بکیز دوستوں اور رشتہ داروں کے ذریعے رابطہ کرتے ہیں، صرف فٹ کھلاڑی ٹیم کا حصہ ہوں چاہے جونیئر ہوں یا سینئر۔

سابق کپتان جاوید میانداد، ٹیسٹ کپتان مصباح الحق، شاہد خان آفریدی، سعید اجمل، محمد حفیظ پہلے ہی اسپاٹ فکسنگ میں ملوث کرکٹرز پر تاحیات پابندی کا مطالبہ کرچکے ہیں۔
۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top