چیئرمین پی سی بی محسن نقوی نے رونالڈو کی جہاز گرانے کے اشارے والی ویڈیو شیئر کرکے بھارت کے زخم ہرے کردیے۔
وفاقی وزیر داخلہ و چیئرمین پی سی بی محسن نقوی نے اپنے آفیشل ایکس اکاؤنٹ پر رونالڈو کی ایک ویڈیو شیئر کی جس میں رونالڈو کو حارث رؤف کے انداز میں رافیل گرنے کا مذاق اڑاتے دیکھا جاسکتا ہے۔
محسن نقوی نے ایکس پر بغیر کسی کیپشن کے رونالڈو کی جہاز گرانے کے اشارے والی ویڈیو شیئر کی ہے، اتوار کو پاک بھارت میچ میں بھارتی تماشائیوں کو بھی حارث رؤف سے چھیڑ چھاڑ مہنگی پڑی تھی۔
— Mohsin Naqvi (@MohsinnaqviC42) September 24, 2025
حارث نے سکس زیرو اور رافیل گرانے کے اشارے کیے تھے جس پر بھارتی شائقین آگ بگولہ ہوگئے تھے۔
اس واقعے پر بھارتی کرکٹ بورڈ نے آئی سی سی کو بھی خط لکھا ہے، بی سی سی آئی نے شکایت میں موقف اختیار کیا ہے کہ صاحبزادہ فرحان اور حارث رؤف نے میچ کے دوران نامناسب انداز اپنایا جو کھیل کی روح کے منافی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں