The news is by your side.

Advertisement

کرکٹ ٹیم کی ناقص کارکردگی‘پی سی بی نےگول میز کانفرنس طلب کرلی

لاہور: چیئرمین پی سی بی شہریار خان نےقومی ٹیم کی ناقص کارکردگی پرسابق کرکٹرزکی مدد طلب کرتے ہوئےگول میز کانفرنس بلا لی ہے۔

تفصیلات کےمطابق چیئرمین پاکستان کرکٹ بورڈ شہریارخان نے قومی کرکٹ ٹیم کی بہتری کے لیےاگلے ماہ 6اور 7مارچ کو لاہور میں گول میز کانفرنس طلب کرلی ہے۔

گول میزکانفرنس کا بنیادی ایجنڈا ٹیموں کی پرفارمنس، کوچنگ، ڈومیسٹک اسٹرکچر میں بہتری اور غیرملکی ٹیموں کی دورہ پاکستان کے لیے حوصلہ افزائی کرنا ہے۔

پی سی کی جانب سے گول میزکانفرنس میں شرکت کےلیےسابق کپتان عمران خان، جاوید میانداد، ظہیر عباس، وسیم باری، وقار یونس، وسیم اکرم، شعیب اختر، عامر سہیل، راشد لطیف، رمیز راجہ، معین خان، عبدالقادر، انضمام الحق، اقبال قاسم، بازید خان، عاقب جاوید، سعید اجمل اور دیگرکومدعوکیاہے۔

پاکستان کرکٹ بورڈنےکانفرنس میں کوچ مکی آرتھر،گرانٹ فلاور،اظہر محمود سمیت قومی ٹیم کے کوچنگ اسٹاف میں سے کسی کو بھی نہیں بلایا گیا جس سے ظاہر ہوتا ہے کہ اجلاس میں غیرملکی اور مقامی کوچز کے حوالے سے اہم موضوع پر بھی گفتگو کی جائے گی۔

مزید پڑھیں:شکست پرتنقید، ٹیسٹ ٹیم کے کپتان مصباح پھٹ پڑے

واضح رہےکہ گزشتہ روز کینگروز کے خلاف شکست پر تنقید پر مصباح الحق پھٹ پڑے،ٹیسٹ ٹیم کےکپتان مصباح الحق کا کہنا تھا کہ ہم اتنا برا بھی نہیں کھیلے جس طرح ہم پر تنقید کی جارہی ہے۔

Print Friendly, PDF & Email

Comments

comments

یہ بھی پڑھیں