کل تک جواب نہ آیاتوسیریزکوختم سمجھیں گے،شہریارخان -
The news is by your side.

Advertisement

کل تک جواب نہ آیاتوسیریزکوختم سمجھیں گے،شہریارخان

لاہور : پاکستان کرکٹ بورڈ (پی سی بی) نے پاک بھارت سیریز کے حوالے سے بھارتی بورڈ سے جواب مانگ لیا۔

چیئرمین پی سی بی شہریارخان نے بی سی سی آئی کو کل تک کی ڈیڈلائن دیتے ہوئے کہا ہے کہ سیریز کھیلنی ہے یا نہیں؟

تفصیلات کے مطابق شہریارخان نےبھارتی بورڈ کو ایک اورخط تحریر کردیا ہے۔ جس میں دو ٹوک الفاظ میں کہا گیا ہے کہ سیریز کھیلنی ہے یانہیں پیر تک بتایا جائے۔ اگر پیر تک جواب نہیں آیا تو سیریز کو ختم سمجھیں گے۔

پاک بھارت سیریزپرکئی ماہ سے خدشات کے بادل چھائے ہیں، پی سی بی اورحکومت پاکستان کی ہاں کے بعد بی سی سی آئی کی ٹال مٹول نے سیریزپرشک کے سائے مزید گہرے کردئیے ہیں۔

بھارتی میڈیابھی چیخ چیخ کرکہنےلگاکہ سیریز کے امکانات کم ہیں ۔بھارتی بورڈکی ہٹ دھرمی کے باعث سیریز یواے ای کی بجائے سری لنکا میں طے ہوئی، یہ خبر شیوسیناکے غنڈوں پر بجلی بن کرگری۔

شیو سینا نے بیان دیا کہ سیریز ہوئی تو بھارتی بورڈپرحملہ کریں گے۔ بالآخر بھارتی بورڈ کا کفرٹوٹا اورسیریزکی حامی بھرلی۔ لیکن سیریز کوحکومتی اجازت سے مشروط قراردے دیا۔

اب پاکستان اوربھارتی بورڈ سیریز کیلئے تیار ہے، مودی سرکارکی اجازت ملتے ہی پندرہ دسمبرسے پاک بھارت مقابلے شروع ہوجائیں گے۔

Comments

comments

یہ بھی پڑھیں