فتح کے بعد پی سی بی کھلاڑیوں کو ایک ساتھ وطن لانے میں ناکام -
The news is by your side.

Advertisement

فتح کے بعد پی سی بی کھلاڑیوں کو ایک ساتھ وطن لانے میں ناکام

کراچی : چیمپیئنز ٹرافی پاکستان آگئی لیکن قوم کی چیمپیئنز کو ایک ساتھ دیکھنے کی حسرت دل میں رہ گئی۔ پی سی بی پوری ٹیم کوٹرافی کے ہمراہ لانے میں ناکام ہوگیا۔

تفصیلات کے مطابق آئی سی سی چمپینز ٹرافی میں شاہینوں نے متحد ہوکر بھارت کو دھول چٹائی لیکن پی سی بی ٹیم کےایک ساتھ جشن منانےمیں کوئی دلچسپی نہیں۔

ٹیم کے پلیئرز الگ الگ تین شہروں میں اترے اوراپنے گھروں کوچلے گئے انیس سو بیانوے میں پاکستان نے ورلڈکپ جیتا تو پوری ٹیم لاہورمیں اتری، سڑکوں پر ٹرافی کے ساتھ ریلی نکالی گئی۔

اس وقت کے وزیراعظم نواز شریف نے وزیراعظم ہاؤس میں ٹیم کے اعزاز میں شاندارعشائیہ دیا، جس میں پوری ٹیم ایک ساتھ شریک ہوئی۔

اس بارچیمپیئنزٹرافی کپتان کےساتھ کراچی آگئی لیکن کوئی کھلاڑی اسلام آباد اترا تو کوئی لاہور تو کوئی سیالکوٹ، میچ متحد ہوکر جیت لیا، جشن اکٹھےنہیں منایا جاسکا۔

اس حوالے سے سابق پلئیرز،صحافیوں اورعوام نے سوشل میڈیا پر سخت ردعمل کا اظہارکیا ہے، لوگوں نےکہا کہ برسوں بعد ایک خوشی ملی ہے، پی سی بی نے اسے بھی ادھورا ہی چھوڑدیا۔

کیا ہی اچھا ہوتا کہ قوم اپنے ہیروز کا شایان شان استقبال کرکے ان کو ایک ساتھ خراج تحسین پیش کرتی۔

Comments

comments

یہ بھی پڑھیں