The news is by your side.

پی ایس ایل 4، چھٹی ٹیم کی خریداری کے لیے اشتہار جاری

لاہور: پاکستان کرکٹ بورڈ (پی سی بی) نے پی ایس ایل 4 کی چھٹی ٹیم کی فروخت کے لیے اشتہار جاری کردیا۔

تفصیلات کے مطابق پی سی بی نے پاکستان سپرلیگ کے چوتھے ایڈیشن کے لیے چھٹی ٹیم کی فروخت کا اشتہار جاری کردیا، چھٹی ٹیم کی نیلامی میں حصہ لینے والے خواہش مند افراد 14دسمبرتک فارم حاصل کرسکتے ہیں جو 18دسمبر تک پی سی بی کو ہرصورت جمع کرانے ہوں گے۔

پی سی بی اعلامیے کے مطابق 18دسمبر کو  قذافی اسٹیڈیم میں بولیاں کھولی جائیں گی اور پھر جیتنے والے شخص کو فرنچائز کی ملکیت دی جائے گی۔

مزید پڑھیں: پی ایس ایل 4، تمام ٹیموں‌ کی ڈرافٹنگ مکمل

یاد رہے کہ پاکستان سپر لیگ کے تیسرے ایڈیشن میں شامل ہونے والی چھٹی ٹیم ’ملتان سلطانز‘ کا معاہدہ پاکستان کرکٹ بورڈ نے منسوخ کردیا تھا جس کے بعد یہ ٹیم پی سی بی کی ہی ملکیت ہے۔ یہ بھی یاد رہے کہ ملتان سلطانز نے فیس ادا نہیں کی تھی۔

یہ بھی یاد رہے کہ 20 نومبر کو پی ایس ایل سیزن فور کے لیے کھلاڑیوں کی ڈرافٹنگ کا مرحلہ مکمل کرلیا گیا جس کے تحت تمام فرنچائز مالکان نے کھلاڑیوں کی بولیاں لگائیں تھیں، پانچ فرنچائزز ناموں سے تھیں جبکہ چھٹی کا فی الحال کوئی نام نہیں رکھا تھا۔

یہ بھی پڑھیں: پی ایس ایل 4 : کراچی کنگز میں اس بار کون سے کھلاڑی شامل ہیں، فہرست جاری

یاد رہے کہ پاکستان سپر لیگ کے چوتھے ایڈیشن کا آغاز 14 فروری 2019 سے دبئی میں ہوگا جبکہ فائنل 17 مارچ کو کراچی میں کھیلا جائے گا، پی ایس ایل کے 8 میچز کا انعقاد پاکستان میں ہی کیا جائے گا۔

چیئرمین پی سی بی احسان مانی نے عہدے کا منصب سنبھالنے کے بعد اعلان کیا تھا کہ عمران خان کی خواہش پر پی ایس ایل کو سب سے بڑا برانڈ بنانا ہمارا مشن ہے کیونکہ وزیراعظم پی ایس ایل کو مزید کامیاب دیکھنا چاہتے ہیں۔

Comments

یہ بھی پڑھیں