پی سی بی نے محسن خان کو متنازع بیان دینے سے روک دیا mohsin khan
The news is by your side.

Advertisement

پی سی بی نے محسن خان کو متنازع بیان دینے سے روک دیا

لاہور: پی سی بی نے کرکٹ کمیٹی کے چیئرمین محسن خان کو متنازع بیان دینے سے روک دیا۔

ذرائع کے مطابق پی سی بی نے محسن خان کو متنازع بیان دینے سے روک دیا ہے، بورڈ نے کرکٹ کمیٹی کے سربراہ کو وارننگ جاری کرتے ہوئے کہا ہے کہ متنازع بیانات نہ رکے تو بورڈ نیا چیئرمین لاسکتا ہے۔

پی سی بی کا کہنا ہے کہ غیرضروری بیانات سے نقصان کرکٹ کا ہوگا، محسن خان توجہ کرکٹ کی بہتری پر مرکوز رکھیں۔

ذرائع کے مطابق پی سی بی نے محسن خان کے متبادل کے لیے بھی مشاورت شروع کردی ہے، محسن خان بورڈ کے لیے مشکلات پیدا کرتے رہے تو کرکٹ کمیٹی نیا چیئرمین لایا جاسکتا ہے۔

مزید پڑھیں: پی سی بی محسن خان کو کرکٹ کمیٹی کا چیئرمین بنا کر مشکل میں آگیا

واضح رہے کہ محسن خان نے کرکٹ کمیٹی کا چیئرمین بننے سے قبل ہیڈ کوچ مکی آرتھر کے بارے میں نامناسب الفاظ استعمال کیے تھے جس کی شکایت مکی آرتھر نے بورڈ چیئرمین سے کرتے ہوئے نوٹس لینے کا مطالبہ کیا تھا۔

جسٹس قیوم کی میچ فکسنگ رپورٹ اور وسیم اکرم کے حوالے سے محسن خان کے موقف کو زیادہ پسند نہیں کیا گیا تھا۔

یاد رہے کہ کرکٹ کمیٹی کے چیئرمین نے کپتان سرفراز احمد سے متعلق بھی متنازع بیان دیتے ہوئے کہا تھا کہ ایشیا کپ میں سرفراز کی باڈی لینگویج خاصی منفی تھی، ٹیسٹ ٹیم کی کپتانی ان کے لیے موزوں نہیں، انہیں اس ذمہ داری سے الگ کردینا چاہئے۔

دوسری جانب پی سی بی نے کرکٹ کمیٹی کے چیئرمین کے بیان کو غیرضروری اور نامناسب قرار دیا ہے۔ بورڈ ذرائع کے مطابق ٹیم مینجمنٹ اور سلیکشن کمیٹی بھی کرکٹ کمیٹی کے سربراہ کے بیان سے خوش نہیں تھی۔

Comments

comments

یہ بھی پڑھیں