The news is by your side.

Advertisement

پی ایس ایل میں دلچسپی مزید بڑھانے کے لیے پی سی بی کا نیا اقدام

لاہور: پی ایس ایل فور میں دلچسپی بڑھانے کے لیے پی سی بی نے نیا اقدام کیا ہے، ترجمان پی سی بی کے مطابق تمام ٹیمیں 23 سے 25 فروری تک کھلاڑیوں کی ٹریڈ کرسکیں گی۔

تفصیلات کے مطابق پی سی بی کے مطابق پی ایس ایل سیزن فور میں اب کھلاڑیوں کی ٹریڈنگ ہوگی، تمام ٹیمیں 23 سے 25 فروری تک کھلاڑیوں کی ٹریڈ کرسکیں گی، مڈ سیزن ٹریڈ 23 فروری کو کراچی کنگز اور اسلام آباد یونائیٹڈ کے میچ کے بعد شروع ہوگی جس کے تحت ٹیم میں نئے کھلاڑی متعارف کروائے جائیں گے۔

مڈ سیزن ٹریڈ سے ٹیموں کا توازن برقرار رکھنے میں مدد ملے گی

ترجمان پی سی بی

ترجمان پی سی بی کے مطابق مڈ سیزن ٹریڈ سے ٹیموں کا توازن برقرار رکھنے میں مدد ملے گی، کھلاڑیوں کی ٹریڈ ایک جیسی کیٹگری کے کھلاڑیوں میں ہوگی۔

ہر ٹیم زیادہ سے زیادہ 2 مڈ سیزن کھلاڑیوں کی ٹریڈ کرسکے گی، کھلاڑیوں کی ٹریڈ سے ان کھلاڑیوں کو بھی موقع ملے جنہوں نے اب تک کوئی میچ نہیں کھیلا ہے۔

واضح رہے پی ایس ایل سیزن فور کے میچز جاری ہیں دبئی میں پی ایس ایل کا پہلا مرحلہ مکمل ہوچکا ہے جبکہ دوسرے مرحلے کا آغاز شارجہ سے ہوچکا ہے۔

مزید پڑھیں: پی ایس ایل : پی آئی اے اور اے آر وائی سہولت والٹ کے درمیان معاہدے پر دستخط

دوسرے مرحلے کے اختتام پر لاہور اور کراچی میں میچز کھیلے جائیں گے، شائقین کرکٹ ملک میں پی ایس ایل میچز دیکھنے کے لیے بے قرار ہیں، ایونٹ کا فائنل 17 مارچ کو کراچی کے نیشنل اسٹیڈیم میں شیڈول ہے۔

Comments

comments

یہ بھی پڑھیں