The news is by your side.

Advertisement

بہترین کارکردگی پر پی سی بی خواتین کرکٹ ٹیم کو سینٹرل کنٹریکٹ دینے پر مجبور

لاہور: پاکستان کرکٹ بورڈ نے وویمن کرکٹ ٹیم کی 22 کھلاڑیوں کو ایک سال کے لیے سینٹرل کنٹرکٹ دے دیا۔

پاکستان کرکٹ بورڈ کی پریس ریلیز کے مطابق وویمن کرکٹ ٹیم کی حالیہ کارکردگی کو سراہتے ہوئے 22 کھلاڑیوں کو سینٹرل کنٹریکٹ دے دیا گیا ہے۔ایک سالہ کنٹریکٹ یکم جنوری 2016 سے نافذ عمل سمجھا جائے گا۔کنٹریکٹ کے حامل کھلاڑیوں کو کارکردگی کی بنیاد پر چار درجوں میں تقسیم کیا گیا ہے۔

تفصیلات کے مطابق خواتین کی قومی کرکٹ ٹیم کی کپتان ثناءمیر،آل راؤنڈر بسمہ معروف،دائیں ہاتھ سے بیٹینگ کرنے والی جویریہ ودود اور باؤلنگ راؤنڈر عصماویہ اقبال کو بہترین کارکردگی کی وجہ سے کنٹریکٹ کے درجہ اول میں جگہ دی گئی ہے۔

کنٹریکٹ کے درجہ دوئم میں جگہ پانے والی کھلاڑیوں میں آل راؤنڈر ندا راشد ڈار،بائیں ہاتھ سے سلو پیس بولنگ کرنے والی انعم امین اور سیدھے ہاتھ سے بلے بازی کرنے والی سیدہ نین فاطمہ عابدی شامل ہیں جبکہ سعدیہ یوسف۔سدرہ نواز، ربعیہ شاہ،سدرہ امین،ناہیدہ خان،عالیہ ریاض۔عمران جاوید،مرینہ اقبال اور ثانیہ اقبال درجہ سوئم میں جگہ بنا پائیں۔

کنٹریکٹ کے درجہ چہارم میں منیبہ علی صدیقی،الماس اکرم،ایمن انور،ڈیانا بیگ،عائشہ ظفر اور کائنات امتیاز موجود ہیں۔

ناکافی سہولیات کے باوجود وویمن کرکٹ ٹیم نے حال ہی میں ہونے والے ٹی 20 ورلڈ کپ میں انڈیا کو انڈیا میں شکست دے کرتمام پاکستانی مداحوں کے دل جیت لیے تھے۔سرکاری سطح پر بھی اس کامیابی کافی سراہا گیا تھا۔جس کے بعد ہی وویمن ٹیم پی سی بی کی توجہ حاصل کر پائ۔
خواتین کی قومی کرکٹ ٹیم کی کھلاڑیوں کی اسی طرح حوصلہ افزائی جاری رہی تو قوی امید ہے کہ یہ باصلاحیت ٹیم کئی بین الاقوامی ٹائیٹلز پاکستان کے نام کر سکتی ہیں.

Comments

comments

یہ بھی پڑھیں