لاہور(19 اکتوبر 2025): پاکستان کرکٹ بورڈ (پی سی بی) نے نوجوان کھلاڑیوں کے لیے نجی اسکول بیکن ہاؤس سے اسکالرشپ معاہدہ کرلیا۔
لاہور میں پی سی بی ہیڈ کوارٹر میں معاہدے پر دستخط کی تقریب ہوئی جس کے مہمانِ خصوصی چیئرمین پی سی بی محسن نقوی تھے، نوجوان کرکٹرز کو تعلیمی اسکالرشپس ملیں گے۔
اس اسکالرشپ کے تحت ملک کے 16 ریجنز سے انڈر 15، 17 اور 19 کے 120 نمایاں کھلاڑیوں کو مفت تعلیم دی جائیگی، نوجوان کرکٹرز کیلئے تعلیمی وظائف کا معاہدہ 3 برس کیلئے نافذ العمل رہےگا۔
اس موقعے پر محسن نقوی نے کہا کہ تعلیمی وظائف کا معاہدہ دور رس نتائج کا حامل ہوگا، نوجوان کرکٹرز کھیل کے ساتھ تعلیم پر بھی توجہ دے سکیں گے۔
محسن نقوی کا مزید کہنا تھا کہ شراکت داری سے مستقبل کے کرکٹ اسٹارز کی تعلیمی ضروریات پوری ہوں گی، یہ شراکت داری نوجوان کرکٹرز کے روشن مستقبل کی ضمانت ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں