The news is by your side.

Advertisement

پی سی بی ٹیلنٹ ہنٹ ٹیم کا پاک فوج کے تعاون سے شمالی وزیرستان کا دورہ

فاٹا: پاکستان کرکٹ بورڈ (پی سی بی) ٹیلنٹ ہنٹ پروگرام کی ٹیم نے پاک فوج کے تعاون سے شمالی وزیرستان کا دورہ کیا اس موقع پر یونس خان اسٹیڈیم میں فاٹا کے نوجوان کھلاڑیوں کے ٹرائل لیے گئے۔

تفصیلات کے مطابق پی سی بی کی جانب سے قائم کردہ ٹیلنٹ ہنٹ پروگرام کے تحت ٹیم نے پاک فوج کی مدد سے شمالی وزیرستان کا دورہ کیا جہاں ٹیلنٹ ہنٹ ٹیم نے قبائلی علاقہ جات سے تعلق رکھنے والے باصلاحیت نوجوان کھلاڑیوں کے ٹرائل لیے۔

کراچی کنگزٹیلنٹ ہنٹ پروگرام، نوابشاہ سے کھلاڑیوں کا انتخاب

پی سی بی ٹرائل ٹیم مشتاق احمد، شاداب خان، یاسر شاہ اور علی ضیا پر مشتمل تھی جبکہ شمالی وزیرستان سے منتخب ہونے والے کھلاڑی اسکل ڈیولپمنٹ پروگرام کے تحت نیشنل اکیڈمی سے تربیت لیں گے، جس کے لیے بھرپور اقدامات کیے جارہے ہیں۔

ٹیلنٹ ہنٹ پروگرام ٹیم میں موجود سابق اور موجودہ اسٹار کھلاڑیوں کو دیکھ کر فاٹا کے نوجوانوں کی خوشی دیدنی تھی جبکہ اس موقع پر جدید اسپیڈ مشین سے نوجوانوں کی بولنگ رفتار اور صلاحیتوں کو بھی جانچا گیا۔

پی سی بی نے ایمرجنگ کیمپ کے نام پرعمردرازکھلاڑی بلا لیے

کرکٹ سے متعلق خصوصی پروگرام سے نوجوانوں کھلاڑیوں کو ملکی وغیر ملکی سطح پر صلاحیتوں کے اظہار کا موقع ملے گا جس کے لیے فاٹا کے  نوجوانوں نے یونس خان اسٹیڈیم میں ہونے والے ٹرائل میں بھرپور شرکت کی اور اپنے اندر چھپے ٹیلنٹ کا خوب اظہار کیا۔

خیال رہے کہ شمالی وزیرستان میں پی سی بی، یوکے الیون میچ سے دہشت گردوں کے بیانیےکی شکست ہوئی دوسری جانب ملک میں پاکستان سوپر لیگ جیسے بڑے ایونٹ کے انعقاد سے عالمی کرکٹ کی واپسی ہوئی اور پاکستان آرمی نے کرکٹ کے کھیل کی ملک میں واپسی کے لیے بہترین سیکیورٹی فراہم کی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں