ویمنز چیمپئن شپ کے دوران پاکستان ویمنز کرکٹ ٹیم کی دو کھلاڑیوں نے اپنی ساتھی کھلاڑی کو بری طرح پیٹ ڈالا۔
ذرائع کے مطابق قومی کرکٹ چیمپئن شپ کے دوران قومی ویمنز ٹیم کی پلیئرز کا آپس میں جھگڑا ہوگیا، ہوٹل میں دو کھلاڑیوں نے مل کر تیسری ساتھی کھلاڑی کی پٹائی کردی۔
دونوں خواتین کھلاڑیوں نے تیسری کرکٹر کو اتنا مارا کے اس کے ناک سے خون جاری ہوگیا، تاہم، دو میچز تک مار کھانے والی کرکٹر نے اپنی زبان نہ کھولی۔
معاملہ برداشت سے باہر ہونے کے بعد مذکورہ کرکٹر نے انتظامیہ کو اپنے اوپر ہوئے ظلم سے آگاہ کیا، جس کے بعد بورڈ انتظامیہ نے بڑی کارروائی کرنے کے بجائے تینوں کھلاڑیوں پر ایک، ایک میچ کی پابندی لگادی۔
پابندی لگنے کے بعد صدف، یسری اور عائشہ جمعہ کا میچ نہ کھیل سکیں۔
انڈر 19 ورلڈ کپ میں نیپال نے افغانستان کو ہرا کر اپ سیٹ کردیا، ویڈیو وائرل
دوسری جانب بورڈ کے مطابق معاملے کی تحقیقات کرنے چیئرپرسن ویمنز کرکٹ خود راولپنڈی پہنچیں گی۔ واضح رہے کہ پاکستان ویمنز کرکٹ چیمپئن شپ راولپنڈی میں کھیلی جا رہی ہے۔
